D’iarr Ammi Burke ar bhreitheamh í féin a bhaint as a cás

D’iarr an t-aturnae Ammi Burke ar bhreitheamh na hArd-Chúirte í féin a bhaint as a cás a éisteacht.

Tá Ms Burke ag éileamh go raibh an Coimisiún um Chaidreamh san Áit Oibre (Workplace Relations Commission, WRC) mícheart diúltú dá héileamh go briseadh as a post leis an gnólacht dlí Arthur Cox í go héagórach.

Nuair a thosaigh an cás i gcoinne an WRC d’iarr Ms Burke ar an mBreitheamh Marguerite Bolger éirigh as an cás.

Dúirt sí gur léirigh an breitheamh tuairimí roimhe seo maidir le buncheist an cháis; agus go bhfuil ‘caidreamh an-dlúth’ aici le habhcóide sinsearach Arthur Cox sa ‘phobal dlúth’ de speisialtóirí dlí fostaíochta.

Líomhain Ms Burke go raibh an Breitheamh Bolger agus abhcóide Arthur Cox, Peter Ward, ina gcomhaltaí de bhunaitheoirí Chumann an Bharra um an Dlí Fostaíochta (Employment Law Bar Association) agus go raibh siad le feiceáil ar phainéil le chéile.

Mhaígh Ms Burke, as Cluain Sionnach, Caisleán an Bharraigh, Co. Mhaigh Eo, freisin, gur scríobh an breitheamh, in alt a foilsíodh in 2015 san Irish Employment Law Journal, go n-éilíonn an ceart chun éisteachta córa go mbeadh imeachtaí dífhostaithe éagóracha den chineál seo ‘sáraíochta’ (adversarial).

I gcodarsnacht leis sin, éilíonn Ms Burke gur cheart go mbeadh na himeachtaí ‘fiosrúcháin’ (inquisitorial) faoi Achtanna um Dhífhostú Éagórach (Unfair Dismissal Acts) 1977.

Dúirt Ms Burke freisin go bhfuil sé ‘an-imníoch’ nár tharraing an Breitheamh Bolger siar ráiteas, a rinneadh ag céim níos luaithe de na himeachtaí, á rá nach beart leasa phoiblí é seo.

Chuir Ms Burke litir a fuair sí ó aturnaetha Arthur Cox in 2020 ar fáil, a chuimsigh ainm an bhreithimh, abhcóide sinsearach ag an am, mar cheann de thriúr abhcóidí a d’fhéadfadh idirghabháil a dhéanamh lena héileamh.

D’fhiafraigh an breitheamh: ‘A Bhean Uasal Burke an bhfuil tú ag moladh go dáiríre mar go bhfuil sé molta mar idirghabhálaí dom gur cheart dom mé féin a baint amach as a cás?’

D’easaontaigh abhcóide sinsearach an WRC, Catherine Donnelly, le hiarratas Ms Burke go ndéanfadh an breitheamh í féin a bhaint as; agus d’aontaigh an tUasal Ward, le haghaidh Arthur Cox, leis sin.

Dúirt an tUasal Ward go ndearna Ms Burke tráchtanna ‘maslacha’ don bhreitheamh ag céim níos luaithe dá cás. Chuir Ms Burke ina aghaidh sin agus dúirt: ‘I will not have my name dragged through the mud.’