Tá ‘frustrachas agus fearg’ ar ghardaí sinsearacha san AGSI agus tá siad ag máirseáil ar na sráideanna inniu le haghaidh ‘lá gníomhaíochta’ agóide.
Bhí Cumann Sáirsint agus Cigirí an Gharda Síochána (AGSI) ag reachtáil an mháirseáil agóide chuig ceanncheathrú an fhórsa i bPáirc an Fhionnuisce i mBaile Átha Cliath mar gheall ar imní faoi uainchláir (rosters).
Aistríodh Gardaí chuig uainchlár nua le linn na paindéime Covid-19 agus dúirt an AGSI ‘nár tugadh onóir do ghealltanais Choimisinéir an Gharda Síochána (Drew Harris) go bhfillfimis ar ár ngnáthphatrúin oibre’.
An tseachtain seo caite dúirt an tArd-Rúnaí Antoinette Cunningham go bhfuil fearg agus frustrachas ar na baill nach bhfuil a fhios acu cén patrún oibre a bheidh acu i gceann cúig seachtaine.
Dúirt sí nach mbeadh a leithéid de chás inghlactha in aon ionad oibre eile.
NÍOS MÓ FAOIN SCÉAL SEO CLIC ANSEO: ‘Tá fearg ar na baill’: Gardaí sinsearacha le tabhairt faoi ‘Day of Action’ Dé Luain, le bagairt ‘gach cineál industrial action’
Ag an am, dúirt an AGSI go dtionólfaidh 100 ball máirseáil agóide chuig ceanncheathrú an Gharda inniu agus go dtabharfaidh siad litir chuig bainistíocht an Gharda ag cur síos ar a n-imní.
Ach dúirt siad freisin nach raibh le sin ach céim a haon de straitéis chomhaontaithe dhá chuid, ina ndíreofar ar shláinte, sábháilteacht agus leas chomhaltaí an AGSI ar dtús sna ceithre seachtaine amach romhainn.
Dúirt Ms Cunningham: ‘I Márta 2020 bhog comhaltaí thar oíche chuig uainchlár nua chun póilíneacht a dhéanamh ar phaindéim Covid-19, agus níor comhlíonadh gealltanas Choimisinéir an Gharda Síochána go bhfillfimis ar ár ngnáth phatrúin oibre.
‘Dhiúltaigh comhaltaí an AGSI i mballóid den bhallraíocht ar thograí uainchláir nua i mí Dheireadh Fómhair 2022 agus cuireadh tús le aighneas faoin ábhar ansin.
‘D’iarr an AGSI go n-athosclófaí idirbheartaíochtaí uainchláir ach dhiúltaigh Coimisinéir an Gharda Síochána é seo a cheadú,’ a dúirt sí.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
