Sheas Joe Brolly le Gary Lineker tar éis do láithreoir an BBC a bheith cáinte as seasamh a ghlacadh i gcoinne polasaí imirceach dian rialtas na Breataine.
Cuireadh iar-imreoir idirnáisiúnta Shasana Lineker faoi bhrú ó airí Thoraí na Breataine tar éis dó a thuairimí a chur amach.
Mar sin féin, chuir Brolly i gcomparáid leis an gcaoi a moladh Lineker as Catar a cháineadh le linn Chorn an Domhain, ach tá sé á cháineadh anois as a rialtas féin a cháineadh.
Bhí físeán curtha suas ag Rúnaí Baile (Home Secretary) na Breataine Suella Braveman ar Twitter ag déanamh bród faoi phleananna a rialtais stop a chur le báid imirceach ag teitheadh go dtí an Bhreatain.
Roinn Lineker an tweet agus scríobh sé: 'Good heavens, this is beyond awful.'
Lean sé é seo le tuairimí faoin bpolasaí ‘cruálach’.
Scríobh sé: ‘Níl aon “influx” ollmhór. Glacann muid i bhfad níos lú dídeanaithe ná tíortha móra Eorpacha eile.
‘Níl anseo ach polasaí fíor- cruálach atá dírithe ar na daoine is leochailí, i dteanga nach bhfuil neamhchosúil leis an teanga a d’úsáid an Ghearmáin sna ‘30idí. Agus is mise atá as ord?’
Chuir an tAire Braveman brú ar an BBC, áit a n-oibríonn Lineker, ag maíomh go raibh an polasaí nasctha ag Lineker leis an Uileloscadh (Holocaust) agus go ‘laghdaítear tragóid’ an Uileloscadh.
Rinne an tAire Cultúir Lucy Frazer gearán freisin gur cheistigh tuairimí Lineker neamhchlaontacht an BBC.
Mar sin féin, tá Lineker fostaithe ag an BBC i gcáil neamhspleách agus níl sé freagrach as ábhar nuachta nó polaitíochta. Mar sin ní bhaineann rialacha neamhchlaontachta leis an méid a tweetann sé.
Agus sheas Joe Brolly an fód do Lineker agus mhol sé go raibh sé á ionsaí as an rialtas a cháineadh.
Ag postáil pictiúr d’alt ó mhí na Samhna seo caite a léiríonn cáineadh Lineker ar Catar roimh Chorn an Domhain, rinne Brolly comparáid idir freagairt meáin na Breataine agus an dá imeacht.
Scríobh sé: ‘Bhí sé ceart go leor do Gary Lineker go leor de thuairimí tosaigh Chorn an Domhain ar an BBC a chaitheamh ar ionsaí ar thaifead chearta daonna Catar.
‘Más rud é, áfach, go seasann sé ar son cearta daonna ina thír féin ba cheart dó “fanacht as an bpolaitíocht”.
'Ní bhíonn saorchaint saor ach amháin má aontaíonn tú leis na Tories.'
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
