Bhí 45 cúiseamh gnéis agus ionsaí mígheanasach le déileáil leis an bpinsinéir a lámhachadh i gCo. Mhaigh Eo.
Glanadh 20 cúiseamh ionsaithe mígheanasach a bhí os a comhair sa chúirt an tseachtain seo caite aige.
Lámhachadh John Brogan, 83, ina theach cónaithe i gCnoc an Phiasúin (Pheasanthill),Caisleán an Bharraigh, tráthnóna Dé Domhnaigh, sular cuireadh an foirgneamh trí thine.
Dé Céadaoin seo caite, fuarthas an tUasal Brogan neamhchiontach i 20 cúiseamh as ionsaí mígheanasach. Éigiontaíodh ceithre cinn de na cúisimh sin faoi threoir bhreitheamh na trialach, agus fuair an giúiré é neamhchiontach as an 16 eile.
Mar sin féin, bhí 37 cúiseamh ionsaithe mígheanasach sa bhreis air agus ocht gcúiseamh d’ionsaí gnéis sular lámhachadh marbh é.
Tá líne cinnte fiosrúcháin ag Gardaí agus tá fear gafa acu. Tá siad tar éis teacht ar gunna a bhfuil amhras orthu a úsáideadh san ionsaí.
Bhí an fear gafa ag ól le roinnt cairde tar éis dóibh féachaint ar chluiche peile Ros Comáin v Maigh Eo tráthnóna Dé Domhnaigh.
Baitsiléir a raibh mórán aithne air sa cheantar ba ea an tUasal Brogan. Mar sin féin, bhí sé ina ‘recluse’ le deich mbliana anuas, dar le muintir na háite.
Bhí a theaghlach ina gcónaí i gceantar Cnoic an Phiasúin leis na glúnta. Chuir an scéala faoi na líomhaintí ina choinne isteach ar dhaoine áitiúla, de réir foinsí.
Chonaic comharsana an Uasail Brogan an tine ag an teach go gairid tar éis 6.30pm agus ghlaoigh siad ar an mbriogáid dóiteáin.
Rinne cuid acu iarracht dul isteach le cuidiú le haon duine istigh.
‘Bhí amhras ar Ghardaí láithreach bonn agus chuaigh siad chun duine a a aimsiú. D’aimsigh siad é sách tapa agus gabhadh é tamall gairid ina dhiaidh sin,’ a dúirt foinse.
Tuigeann Extra.ie nach bhfuil gardaí ag lorg aon duine eile maidir leis an lámhach.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
