Táthar ag breathnú ar athruithe ar scéim deontais Susi do mhic léinn, rud a d’fhéadfadh tacaíocht a thabhairt do níos mó mac léinn, de réir tuairisce san Irish Independent.
Dúirt an tAire Breisoideachais agus Ardoideachais Simon Harris gur ardaigh mic léinn na saincheisteanna atá á n-athbhreithniú leis.
Áirítear leo na cúinsí inar cheart measúnú a dhéanamh ar mhac léinn mar mhac léinn neamhspleách nó cleithiúnach (dependent).
Mar shampla rangaítear mac léinn atá faoi 23 bliana d’aois ar 1 Eanáir den bhliain iontrála ar an gcoláiste mar ‘chleithiúnach’, agus cuirtear ioncam tuismitheora san áireamh ina mheasúnú, agus mac léinn atá os cionn 23 bliana d’aois ar an dáta céanna. aicmítear iad mar duine neamhspleách agus ní chuirtear ioncam na dtuismitheoirí san áireamh.
Is féidir leis seo oibriú i gcoinne daltaí a chónaíonn go neamhspleách ar a dtuismitheoirí.
Freisin, ní íoctar ‘ráta speisialta’ an deontais – is é sin an deontas is airde atá ar fáil – ach amháin nuair a bhíonn teaghlach ar íocaíocht leasa shóisialaigh fadtéarmach. D’fhéadfaí é sin a leathnú anois go dtí teaghlaigh atá ar ioncam níos lú ná €27,000, agus baill den teaghlach ag obair.
Déanfaidh siad measúnú freisin ar cheart go mbeadh níos mó tacaíochta ann do theaghlaigh mhóra, le liúntas sonrach do níos mó ná leanbh amháin a bheith in oideachas tríú leibhéal.
Tá scrúdú á dhéanamh freisin ar chumas Susi fiacha a laghdú nó a chealú, sa chás go bhféadfadh go mbeadh airgead ag mac léinn don eagraíocht.
Tháinig laghdú ar líon na mac léinn a cháiligh do dheontas. Sa bhliain acadúil reatha, tá thart ar 66,000 deontas bronnta ag Susi, laghdú ó thart ar 76,000 in 2021/’22.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
