Tá sé ag teacht! An Pill do na fir ar féidir a ghlacadh díreach roimh ghnéas

Tá ‘Pill’ frithghiniúnach (contraceptive) do na fir á mholadh ag eolaithe mar is féidir é a ghlacadh díreach leathuair an chloig roimh ghnéas.

Níl aon leagan den Pill d’fhir ann faoi láthair ach deir saineolaithe frithghiniúna go bhfuil cóireáil aimsithe acu a thosaíonn i nóiméid agus tá súil acu gur féidir é a fhorbairt go mairfidh sé ar feadh 16 uair an chloig.

Rinneadh é a thástáil ar 52 lucha fireann mar instealladh agus chuir sé cosc ar 100% de thoircheas (pregnancies) thar dhá uair an chloig.

D’oibrigh sé trí dhíriú ar einsím ar a dtugtar adenylyl cyclase intuaslagtha (sAC) air, a chabhraíonn le sperm tiomáint ar aghaidh i dtreo ubh.

Tá sé in easnamh go nádúrtha i líon an-bheag fir, rud a fhágann go bhfuil siad neamhthorthúil. Tugann sé seo le fios go ndéanfaí fir shláintiúla neamhthorthúil go sealadach freisin, ar tugadh druga dóibh chun an einsím a bhlocáil.

I gcomparáid leis sin, bhí 15 toirchis i measc 50 péire lucha thar an tréimhse chéanna nuair nár tugadh an druga do na fireannaigh.

Ní mór píleanna agus glóthacha frithghiniúna fireann eile atá á dtriail a ghlacadh ar feadh míonna sula n-oibríonn siad, ach is féidir an chóireáil nua, a bhfuil sé beartaithe ag eolaithe a iompú ina piolla, a ghlacadh an lá a bhfuil fear ag iarraidh gnéas a fháil.

Dúirt an Dr Lonny Levin, údar sinsearach an staidéir a foilsíodh san iris Nature Communications, ó Weill Cornell Medicine i Nua-Eabhrac: ‘Murab ionann agus pills agus glóthacha hormónacha, níl aon fo-iarsmaí de acne nó tiomáint gnéis laghdaithe bunaithe ar ár staidéar luch agus na fir gan an einsím.

‘Tá sé beartaithe againn trialacha a thosú i bhfear laistigh de dhá bhliain agus tá súil againn go mbeidh sé seo ar fáil ar fud an domhain laistigh de shé agus ocht mbliana.’

Tá baol níos mó ag fir gan an einsím sAC le clocha duáin, ach creideann taighdeoirí nach mbeadh an éifeacht seo ag blocáil an einsím ar feadh tréimhsí gearra ama.