Chas garda corp timpeall, agus chonaic sé gurbh é a chomhghleacaí Colm Horkan

Tá cur síos déanta ag garda ar an nóiméad ar chas sé timpeall corp íospartaigh a lámhachadh, agus thuig sé gurbh é a chomhghleacaí, an Garda Colm Horkan, a bhí ann.

Dúirt an Garda Aidan Fallon le giúiré, nuair a d’aimsigh sé Garda Horkan: ‘Bhí a shúile fós ar oscailt ach bhí an saol imithe uathu.’

Chuala an giúiré i dtriail Stephen Silver 46, inné freisin go raibh ‘smirk ar a aghaidh’ ag an gcúisí nuair a bhí CPR á thabhairt don Gharda Horkan.

Lámhachadh an garda 11 uair lena ghunna féin sa Chaisleán Riabhach (Castlerea), Co. Ros Comáin.

HOrkanColm Horkan
Colm Horkan

Phléadáil an tUasal Silver, as Achadh Bhard, Béal Easa (Foxford), Co. Mhaigh Eo, neamhchiontach i ndúnmharú an Gharda Horkan in 2020 ach ciontach i ndúnorgain (manslaughter).

Thug an Garda Aidan Fallon fianaise ag an bPríomh-Chúirt Choiriúil don abhcóide ionchúisimh Michael Delaney go raibh sé ar patról ar an 17 Meitheamh, 2020, nuair a chonaic sé beirt fhear ag doras ‘grappling’.

Dúirt an Garda Fallon go raibh sé ar tí éirí as a charr patróil nuair a chuala sé urchair.

Chonaic sé fear ina luí i lár an bhóthair agus an fear eile ina sheasamh os a chionn le gunna, a dúirt sé, agus ansin chuala sé dhá urchar eile.

Dúirt an Garda Fallon go raibh an fear fós ina luí ar an talamh, agus an fear eile ar a ghlúine agus a lámha amuigh ag béicíl: ‘Lámhaigh mé air, tá sé marbh.’

Dúirt an Garda Fallon go ndeachaigh sé chun CPR a thosú ar an bhfear agus gur thuig sé ansin gurbh é Garda Horkan a bhí ann.

HOrkanStephen Silver
Colm Horkan

‘Bhí a shúile fós ar oscailt ach bhí an saol imithe uathu, agus ba mheasa an rud é a shíl mé láithreach,’ a dúirt an Garda Fallon.

Dúirt sé gur chuir a chomhghleacaí Garda Helen Gillen glais lámh (handcuffs) ar an bhfear agus gur thosaigh an Garda Fallon CPR.

Dúirt sé leis an gcúirt, agus é ag déanamh CPR, dúirt an fear: ‘Tá tú ag déanamh é mícheart. Cad atá á dhéanamh agat?’

Dúirt an Garda Fallon: ‘Chonaic mé “smirk” ar a aghaidh… bhí sé ag iarraidh a chur as dom.’

Dúirt an t-oifigeach gur iarr sé ar an bhfear suí síos agus dhiúltaigh sé.

Thug sé fianaise go ndúirt an fear: ‘Tá a fhios agam cad a rinne siad don fhear gorm sin i Meiriceá.’

Dúirt an Garda Fallon gur ghabh sé féin agus an Sáirsint Michael O’Hara ar an bhfear bhí sé ag béicíl ‘Mí-úsáid an Gharda’.

Dúirt sé leis an gcúirt go ndúirt an fear ansin: ‘Tá an coronavirus agam’, sular chas sé isteach ar aghaidh an Gharda Fallon ceithre nó cúig huaire.

Dheimhnigh sé don Uasal Delaney gurbh é an tUasal Silver an fear a gabhadh.

Leanann an triail ar aghaidh os comhair an Bhreithimh Tara Burns agus an ghiúiré de sheachtar fear agus cúigear ban.

Comhroinn Anois

You might also like ...

Lean ExtraG.ie

Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.

LÉIGH NÍOS MÓ: NUACHT

no posts found
© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram