Tá an laoch Éireannach a gortaíodh go dona sa luíochán (ambush) sa Liobáin scaoilte amach as ospidéal i mBaile Átha Cliath le leanúint dá théarnamh (recovery) sa bhaile.
Scaoileadh Trúipéir Shane Kearney inné as Ospidéal Beaumont, áit a bhfuair sé cóir leighis tar éis an ionsaí ar a conmhaigh, a d’fhág Pte Seán Rooney marbh.
Maraíodh Pte Rooney agus gortaíodh Trúipéir Kearney nuair a rinneadh ionsaí ar an bhfeithicil armúrtha UNIFIL, a bhí Pte Rooney a thiomáint gar do shráidbhaile Al-Aqbiya i ndeisceart na Liobáine ar an 14 Nollaig.
I mí Eanáir, dúirt réamhthuarascáil de chuid Fhórsa Eatramhach na Náisiún Aontaithe sa Liobáin (UNIFIL) faoin eachtra go raibh an t-ionsaí ar an conmhaigh, a chuaigh isteach sa limistéar mícheart i mBéiriút, ‘gan réamhbheartú’.
Tá seachtar cúisithe ag an Liobáin cheana féin as páirt a ghlacadh san ionsaí, ach tuigtear nach raibh ach duine amháin acu faoi choinneáil tar éis do Hezbollah é a thabhairt ar láimh d’Arm na Liobáine.
Cúisíodh an duine sin ‘as an saighdiúir Éireannach a mharú agus iarracht a dhéanamh a thriúr gcomrádaithe a mharú trí gunna meaisín a lámhach’, a dúirt oifigeach, ag labhairt ar choinníoll gan a ainm a foilsiú mar nach raibh cead acu labhairt leis na meáin.
Ghearr breitheamh seisear teifeach (fugitives) freisin ‘as bagairtí a nochtadh le arm mídhleathach, scriosadh na feithicle UNIFIL agus imeaglú (intimidation) a dhéanamh ar a paisinéirí’, a dúirt an t-oifigeach.
Tá an sráidbhaile ina tharla an ionsaí i gceantar atá faoi smacht an pháirtí armtha Hezbollah agus gortaíodh beith saighdiúirí eile san ionsaí.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
