Bhí ionadh ar fhoireann aerfoirt nuair a d’fhág lánúin a leanbh ag an deasc seiceála tar éis dóibh diúltú ticéad a cheannach dó ar eitilt Ryanair.
Taispeánann píosaí scannáin ón aerfort oibrithe ag bogadh blaincéad de shuíochán naíonán, chun an naíonán a fheiceáil istigh.
Tharla an eachtra san Iosrael le lánúin Beilgeach a tháinig go déanach dá n-eitilt.
De réir tuairiscí, bhí fearg ar an lánúin nuair a cuireadh in iúl dóibh go raibh orthu ticéad ar leith a cheannach dá leanbh.
Tuairiscíonn suíomh nuachta Iosraelach, Mako, ag pointe amháin go raibh daoine ag troid ag Aerfort Ben-Gurion i Tel Aviv, mar gur dhiúltaigh na tuismitheoirí íoc as pas bordála dá leanbh don eitilt go dtí an Bhruiséil, an Bheilg.
Is féidir le paisinéirí a bhíonn ag eitilt le naíonán ar Ryanair thart ar €28 a íoc le haghaidh suíochán ‘lap’ nó is féidir leo suíochán ar leith a cheannach don leanbh ar tháille do dhuine fásta.
Mar sin féin, tuairiscítear gur fhág sealbhóirí pas na Beilge a bpáiste taobh thiar ag an deasc i ‘stroller’ naíonán agus go rith siad ar aghaidh chuig an eitleáin.
Ar an dea-uair, thug foireann an aerfoirt an leanbh faoi deara agus ghlaoigh siad ar na póilíní, a d’aimsigh na tuismitheoirí agus a thug isteach iad lena gceistiú.
Dúirt bainisteoir deisce Ryanair: ‘Baineadh preab uafásach as na hoibrithe ar fad. Ní fhacamar a leithéid riamh. Ní chreidfí é.’
Dúirt oifigigh eitlíochta stáit go raibh an chuma ar an lánúin go raibh siad chun dul tríd chuig an eitleáin ar aon nós leis an leanbh nó gan e.
‘Tháinig an lánúin go déanach don eitilt tar éis dúnadh cuntair seiceála na heitilte,’ a dúirt Údarás Aerfoirt Iosrael.
‘D’fhág an lánúin an ciseán leis an leanbh agus bhí siad ag iarraidh dul ar bord i dtreo an tseiceáil slándála i gCríochfort a hAon chun dul go dtí an geata imeachta,” a dúirt an t-údarás.
Dúirt an t-údarás gur thug bainisteoir do chuid QAS, a láimhseálann seirbhísí ag Ben-Gurion, ‘an lánúin ar ais chuig na cuntair eitilte chun an leanbh a thógáil agus ghlaoigh sé ar na póilíní agus ar gharda slándála’.
‘Thóg an lánúin an leanbh ar ais,’ a dúirt an t-údarás.
Dúirt Ryanair i ráiteas chuig ExtraG.ie: ‘Bhí na paisinéirí seo, a bhí ag taisteal ó Tel Aviv go dtí an Bhruiséil, i láthair ag an tseiceáil isteach gan áirithint dá naíonán.
‘Ar aghaidh leo ansin chuig an tslándáil ag fágáil an naíonán ina dhiaidh ag an deasc seiceála.
‘Rinne an gníomhaire ag Aerfort Ben Gurion teagmháil le Slándáil an Aerfoirt, a tháinig ar na paisinéirí seo, agus is ceist é seo anois do na póilíní áitiúla.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
