Tá Kerrygold ag fáil tacaíochta ó Kourtney Kardashian, duine de na daoine is cáiliúla ar domhan, agus í ag cur chun cinn an im blasta ó Ciarraí.
Tá an táirge (product) déiríochta na hÉireann léirithe ag Kourtney ina postanna ar na meáin shóisialta thar na blianta.
Agus nuair a chuir an ‘influencer’, atá 43 bliain d’aois, a cuid teagaisc faoi ‘cookies’ ar TikTok le déanaí, bhí an t-im á úsáid aici.
Is cosúil go bhfuil dúil ag Kourtney, a d’fhógair comhpháirtíocht le Boohoo le déanaí, i ngrá le him Kerrygold ó 2015, nuair a chuir sí é san áireamh ina hoideas do cocáin Rice Krispie.
Sna Stáit Aontaithe, is é Kerrygold an t-im is mó atá tóir air, as na himeanna a allmhairíodh isteach sa tír, agus is é an tríú branda is mó le tóir air sa tír.
Agus ní hí Kourtney an chéad duine iomráiteach a bhfuil grá aici don im.
In 2016, roinn an mainicín faisin (fashion model) Meiriceánach Chrissy Teigen scéal Snapchat lena lucht leanúna, ag taispeáint an táirge ‘iontach’.
Bhí Kerrygold ar an gcéad bhranda bia billiún euro in Éirinn in 2018, agus is é €2 billiún an chéad sprioc eile ag an gcuideachta.
Sa Bhreatain, tá Kerrygold ar cheann de dhá bhranda ime ar barr phraghas a d’fhás anuraidh, ag díol 3.8% níos mó ná sna 12 mhí roimhe sin, de réir na hirise The Grocer.
De réir ráitis ó Ornua Foods, tá an bua ag Kerrygold sa Bhreatain mar gheall ar a ‘blas saibhir, uachtarúil agus a shuíomh den scoth’.
Mar a dúirt an cócaire iomráiteach Meiriceánach nach maireann, Julia Child: ‘Le dóthain ime, tá gach rud blasta.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
