Tá comhairleoir do chuid na Daonlathaithe Sóisialacha (Social Democrats) ag éirí as a shuíochán i nGaillimh mar gheall ar líomhaintí ‘an-tromchúiseacha’ a rinneadh ina aghaidh.
Chuir Comhairleoir Cathrach na Gaillimhe Owen Hanley teachtaireacht ar Facebook ag rá go bhfuil sé ag éirí as a shuíochán fad is a bheidh na líomhaintí á ‘imscrúdú go hiomlán ag na húdaráis chuí’.
Dúirt sé: ‘Le 48 uair an chloig anuas tá líomhaintí áirithe déanta fúm.
‘Is ceisteanna fíor-thromchúiseacha iad seo agus is léir go dtógfaidh sé go leor ama iad a fhiosrú go hiomlán ag na húdaráis chuí.
‘Sna cúinsí seo creidim gurb é an rud ceart dom a dhéanamh ná éirí as Comhairle Cathrach na Gaillimhe.’
Dúirt an tUasal Hanley nach ndéanfadh sé aon trácht eile ar an scéal.
Ar shuíomh gréasáin na nDaonlathaithe Sóisialta, cuirtear síos ar an Uasal Hanley mar ‘ghuth úr forásach’ ar Chomhairle Cathrach na Gaillimhe.
Dúirt siad go bhfuil baint aige le feachtasaíocht agus obair phobail le blianta anuas.
‘Agus cúlra i ndlí chearta an duine, paisean don rialtas áitiúil láidir, agus creideamh radacach i bpoblacht dhaonlathach sóisialta do chách, tá Owen ag troid ar son na brataí corcra i gConnachta chun Éire san 21ú haois a bhaint amach,’ a dúirt sé.
I ráiteas, dúirt na Daonlathaithe Sóisialacha go bhfuil sé ceart go n-éireodh an tUasal Hanley as fad agus a bhíonn na líomhaintí á bhfiosrú.
‘Nuair a fuair an páirtí na líomhaintí ar dtús, baineadh an fuip (whip) den Uasal Hanley agus tá sé anois ag éirí as a bhallraíocht sna Daonlathaithe Sóisialta,’ a dúirt urlabhraí.
‘Thug an páirtí fógra do na húdaráis reachtúla ábhartha a bhí freagrach as na líomhaintí seo a imscrúdú a luaithe a tháinig sé ar an eolas fúthu.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
