Bhí máthair chroíbhriste Príobháideach Seán Rooney ag ullmhú chun fáilte a chur roimh a mac abhaile don Nollaig; fáilte nach dtarlóidh go deo anois.
Bhí an Príobháideach Rooney, as Dún Dealgan, Co Lú, le pósadh agus bhí a phósadh sceidealta don bhliain seo chugainn.
Fuair a mháthair Natasha Rooney an scéal uafásach, áfach, go luath maidin Déardaoin, gur maraíodh a mac, nach raibh ach 23 bliain d’aois, in ionsaí.
Bhí an saighdiúir sa 27ú Cathlán Coisithe (Infantry Battalion) ag freastal ar mhisean síochánaíochta de chuid na NA sa Liobáin nuair a bhí ionsaí ar a chonmhaigh (convoy) timpeall 11.15pm am áitiúil oíche Dé Céadaoin.
Is é an chéad bhás le linn misean síochánaíochta de chuid Óglaigh na hÉireann le breis is fiche bliain.
Agus is é cailleadh a mac an dara tragóid a bhuail Ms Rooney le blianta beaga anuas.
Níos lú ná deich mbliana ó shin fuair a fear céile, Cormac, bás freisin i gcúinsí tragóideacha.
Dúirt comhairleoir Dhún na nGall Paul Canning, a bhfuil aithne aige ar an teaghlach, le RTÉ aréir go raibh Ms Rooney ag streachailt le réiteach a fháil ar an méid a tharla.
Agus ómós ag teacht ó gach cearn den tíre, thug an tUachtarán Michael D Higgins le fios go gcuirfeadh sé glaoch ar an mháthair chun a comhbhrón ó chroí a chur in iúl léi.
D’inis sé do mhuintir tragóideach an tsaighdiúra gur chaill sé a shaol ‘ag freastal ar mhuintir na hÉireann’.
‘Mar phobal, táimid an-bhródúil as ár dtaifead síochánaíochta gan bhriseadh leis na Náisiúin Aontaithe,’ a dúirt sé.
‘Ní mór dúinn, áfach, gan dearmad a dhéanamh ar na contúirtí a bhaineann leis an obair seo, nó ar an gcaoi a gcuireann baill ár bhFórsaí Cosanta, atá ag fónamh ar mhisin síochánaíochta thar lear, a mbeatha i mbaol gach lá chun an tsíocháin a thógáil ar fud an domhain.
‘Mar Uachtarán na hÉireann agus mar Cheannasaí Uachtarach ar Óglaigh na hÉireann, is le croí trom, agus tuiscint ar an gcaillteanas mór a léireoidh sé dóibh, a thréaslaím comhbhrón ó chroí le teaghlach, comhghleacaithe agus cairde bhall na hÉireann a bhfuil a saol caillte acu.
‘Saol caillte ag freastal ar mhuintir na hÉireann, ag freastal ar na Náisiúin Aontaithe, agus ag freastal orthu siúd go léir ar mian leo síocháin inár saol comhroinnte.’
Ghuigh an tUachtarán Higgins ‘téarnamh gasta’ freisin do na baill eile d’Óglaigh na hÉireann a gortaíodh san eachtra.
Dúirt an Taoiseach Micheál Martin gur meabhrúchán é an eachtra ‘go bhfreastalaíonn ár gcoimeádaithe síochána i gcúinsí contúirteacha, i gcónaí, ar chúis na síochána’.
Dúirt sé freisin: ‘Ba mhaith liom brón ó chroí a chur in iúl ó Rialtas na hÉireann nuair a cailleadh duine óg atá ar seirbhís thar lear leis na Náisiúin Aontaithe.
‘Go háirithe, ba mhaith liom ár gcomhbhrón ó chroí a ghabháil lena theaghlach as an gcaillteanas uafásach a d’fhulaing siad.’
Chuir Ceann Foirne Óglaigh na hÉireann, an Leifteanant-Ghinearál Seán Clancy síos ar an ionsaí mar ‘lá dorcha d’ Óglaigh na hÉireann’.
Dheimhnigh sé go bhfuil corp an Phríobháidigh Rooney san ospidéal in éineacht le comhghleacaithe agus go bhfanfaidh siad ann go dtí go dtabharfar a chuid taisí ar ais.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
