Tá rabhadh breise eisithe ag Met Éireann do 19 gcontae, mar gheall go dtiocfaidh teochtaí contúirteacha faoi bhun reophointe ar oíche Chéadaoin.
Tá foláireamh Stádas Oráiste maidir le teocht íseal agus oighear eisithe do Cheatharlach, Cill Dara, Cill Chainnigh, Laois, Longfort, Lú, An Mhí, Uíbh Fhailí, an Iarmhí, Cabhán, Muineachán, An Clár, Corcaigh, Ciarraí, Luimneach, Tiobraid Árann, Gaillimh, Liatroim agus Ros Comáin.
Tagann an rabhadh, atá ar siúl ó 6pm Dé Céadaoin, 14 Nollaig, go dtí 12pm Déardaoin 15 Nollaig, le Stádas Buí le haghaidh teocht íseal agus oighear don tír ar fad.
Dúradh sa rabhadh go mbeadh; ‘Oíche fíorfhuar ann Dé Céadaoin, le teocht forleathan faoi -5 céim le sioc agus oighear trom’.
Agus tá sé le bheith fuar i rith na seachtaine, le ‘sioc agus oighear’ forleathan.
D’fhoilsigh Met Éireann liosta de na tionchair a d’fhéadfadh a bheith ag an aimsir reoite leanúnach, lena n-áirítear;
• Coinníollacha contúirteacha ar chosáin agus ar bhóithre
• Cur isteach ar thaisteal
• Cur isteach ar soláthar earraí
• Seans do phíobáin uisce pléasctha agus damáiste d’innill
• Rioscaí méadaithe do dhaoine leochaileacha
• Fadhbanna le leasa ainmhithe
• Gaotha bog thar an talamh as a dtagann laghdú ar ghiniúint cumhachta gaoithe.
Dúirt an tAire Tithíochta Darragh O’Brien gur cheart go bhfanfadh scoileanna ar oscailt fiú má théann an teocht chomh híseal le -10C ach dúirt sé go bhféadfadh boird bhainistíochta nó prionsabail scoile cinneadh a dhéanamh scoileanna a dhúnadh, más gá.
Níor dheimhnigh an Grúpa Náisiúnta Comhordaithe Éigeandála na scoileanna atá dúnta cheana féin an tseachtain seo ach dheimhnigh siad gur dúnadh iad de bharr ‘coinníollacha áitiúla dainséarach’.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
