Is féidir comhráite, ar taifead na Gardaí, idir Gerard ‘The Monk’ Hutch agus Jonathan Dowdall a úsáid mar fhianaise, dúirt na breitheamh i gcás dúnmharaithe na Regency.
Tá ionchúisitheoirí ag iarraidh úsáid a bhaint as na deich n-uaire de chomhrá sa chás in aghaidh Hutch sa Chúirt Choiriúil Speisialta.
Mhaígh dlíodóirí cosanta nár cheart leas a bhaint as na comhráite idir Hutch agus iar-chomhairleoir Shinn Féin Dowdall toisc go raibh siad taifeadta ag gardaí le uirlís bugáil, lasmuigh den Stát, sa Tuaisceart.
Rinneadh na taifeadtaí seachtainí tar éis lámhach ball den Cartel Kinahan, David Byrne, ag Óstán an Regency.
Seinneadh iad ar feadh trí lá sa chúirt neamhghiúiré, i dtriail laistigh de thriail, ionas go bhféadfadh na breithiúna a gcinneadh a dhéanamh.
Agus inné dúirt an breitheamh atá i gceannas, Tara Burns, cé nach raibh aon chumhacht ag oifigigh Faireachais Náisiúnta (Garda National Surveillance) fianaise a bhailiú sa Tuaisceart, gur cheart na comhráite ar mhaithe a úsáid le ‘leas an cheartais’.
Dúirt an chúirt nach raibh aon chumhacht ag gardaí fianaise a bhailiú i stát eile agus nach féidir leo oibriú go neamhspleách i ndlínse eile.
Ach dúirt an Breitheamh Burns cé go raibh an fhianaise bailithe go neamhdhleathach, go raibh siad sásta nach raibh a fhios ag na hoifigigh go raibh sé mídhleathach ag an am.
Dúirt sí nach raibh aon sárú ar cheart bunreachtúil an Uasail Hutch ar a phríobháideachas.
Maíonn ionchúisitheoirí gur iarr Hutch ar Dowdall cruinniú a shocrú lena theagmhálaithe poblachtacha Sealadacha, chun idirghabháil a dhéanamh i ‘feud’ Hutch-Kinahan, mar gheall ar bhagairtí ar theaghlach agus chairde Hutch.
Deir siad gur tharla na comhráite agus iad ag taisteal ó thuaidh chuig cruinniú ar an Srath Bán (Strabane) i gCo Thír Eoghain ar an 7 Márta 2016 i Toyota Land Cruiser Dowdall, a rinne bleachtairí an Gharda Síochána bugáil air.
Séanann Hutch (59), le seoladh deireanach ag The Paddocks, Cluain Tarbh, Baile Átha Cliath 3, David Byrne (33) a dhúnmharú, le linn meáite dornálaíochta in Óstán an Regency ar an 5 Feabhra 2016.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
