Tá an Pholainn sa 16 deiridh de Chorn an Domhain, ar dhifríocht cúil, tar éis cluiche drámatúil i gcoinne buaiteoirí Ghrúpa C an Airgintín a chaill siad 2-0.
Sa chluiche eile aréir, throid Meicsiceo go láidir i gcoinne na hAraibe Sádaí chun tríú cúl a fháil tar éis dóibh dul 2-0 in airde.
Mar a bhí sé, bhí Meicsiceo ar chomhphointí leis an bPolainn agus bhí seans ann go mbeadh orthu dul abhaile mar go raibh níos mó cártaí buí acu ná an Pholainn.
Ach sa deireadh ba iad na Sádaí a scóráil agus chríochnaigh an cluiche sin 2-1. Agus mar sin ní bheidh Meicsiceo ag dul ar aghaidh. Ná na hAraibe Sádaí.
Chinntigh cúil an dara leath, ó duo an ‘Premier League’ Alexis Mac Allister agus Julian Alvarez, go mbeidh an Airgintín ag dul ar aghaidh, tar éis do Lionel Messi cic éiric a bhuachan ó cúl báire Wojciech Szczensy. Ach ansin shábháil Szczensy é.
Beidh Messi anois i gceannas ar an Airgintín i gcoinne na hAstráile sa chéad bhabhta eile, agus beidh cluiche i bhfad níos déine ag an bPolainn in aghaidh na Seaimpíní, an Fhrainc.
Ag imirt an 999ú cluiche dá ghairm shinsearach, bhí dhá sheans ag Messi ach shábháil Szczesny iad.
Níorbh fhéidir leis scór a fháil. Bhí an fhadhb chéanna ag Robert Lewandowski don Pholainn.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
