26 ainmniúcháin fáighte ag TG4 agus Cúla4 do Ghradaim Chumarsáide an Oireachtais

Tá 26 ainmniúcháin fáighte ag cláracha agus láithreoirí TG4 agus Cúla4 i sé chatagóir do Ghradaim Chumarsáide an Oireachtais 2026

“Comhghairdeas leis na léiritheoirí, láithreoirí, stiúrthóirí agus scríbhneoirí a bhfuil a saothair ainmnithe i nGradaim Chumarsáide an Oireachtais i mbliana. Is aitheantas é líon na n-ainmniúchán a fuair TG4 agus Cúla4 i mbliana ar chaighdeán na gclár atá á léiriú do TG4 ón earnáil léiriúcháin neamhspleách sa Ghaeltacht agus ar fud na tíre.” Ard-Stiúrthóir TG4 Deirdre Ní Choistín 

Seo a leanas an Gearrliosta a bhaineann le TG4 agus Cúla4: 
SCANNÁN / CLÁR / SRAITH TEILIFÍSE NA BLIANA DO DHAOINE ÓGA

• Siar Linn MACALLA TEORANTA
• Nollaí TAUNT
• Fíricí Fíochmhara MACALLA TEORANTA
• Mo Shaol, Do Shaol 4 MACALLA TEORANTA

 
CLÁR TEILIFÍSE / SCANNÁN NA BLIANA 

• Amhráin do mo Mháthair SOUTH WIND BLOWS
• Mamó agus Mise DESMOND BROS
• Tráthnóna le Éilís Ní Chinnéide ANIAR TV
• Rothaí an tSaoil ANIAR TV
• Néaltrú – An Scriosadh Mall BELOVED MEDIA

IRISEOIR NA BLIANA

• Donncha Ó Murchú TG4
• Sinéad Ní Neachtain NUACHT RTÉ & TG4
• Darren Ó Dubhgáin TG4/ RTÉ/ TUAIRISC.IE

PEARSA TEILIFÍSE NA BLIANA

• Gráinne Holland SCOIL CHOILLE 2
• Doireann Ní Ghlacáin FLEADH 26
• Seosamh Mac Seoin LÁITHREOIR LEANÚNACHAIS CÚLA4
• Gemma Ní Chionnaith RUGBAÍ BEO
• Séaghan Ó Súilleabháin TÉACS TAISTIL

SRAITH TEILIFÍSE NA BLIANA

• Síle Seoige: An Saol Mar Atá TYRONE PRODUCTIONS
• Pobal Mhúscraí ANIAR TV
• Ceartas Crua MIDAS PRODUCTION
• Taobh Thiar den Roth LIGID LÉIRIÚCHÁIN
• Glúin Z ANIAR TV

CRAOLTÓIR SOLABHARTHA NA BLIANA

• Máirín Ní Ghadhra RTÉ RAIDIÓ NA GAELTACHTA& TG4

RÉALTA ÓG NA BLIANA 

• Conor Ó Domhnaill NUACHTCÚLA4
• Laura Ní Aoidhne ROS NA RÚN, RAIDIÓ FÁILTE
• James McEnery NUACHTCÚLA4

Chuile bhliain déanann Gradaim Chumarsáide an Oireachtais ceiliúradh ar ardchaighdeán agus ar sháriarrachtaí a chuirtear i gcrích in earnáil na cumarsáide Gaeilge. Tugann na Gradaim seo aitheantas do láithreoirí, léiritheoirí, iriseoirí, colúnaithe, aisteoirí agus lucht déanta clár raidió agus teilifís a bhfuil cion thar na bearta déanta acu i réimsí éagsúla meán le dhá mhí dhéag anuas. 
Roghnóidh painéal moltóirí buaiteoirí na gcatagóirí éagsúla ach is ar bhonn vóta poiblí a roghnófar Réalta Óg na Bliana. Tá trí chatagóir déag (13) ar chlár na ngradam i mbliana. Roghnóidh painéal moltóirí buaiteoirí na gcatagóirí éagsúla ach is ar bhonn vóta poiblí a roghnófar Réalta Óg na Bliana. Tá an vótáil oscailte anois agus ar fáil ag https://www.antoireachtas.ie/gradaim-chumarsaide/realta-og-2026/

Bronnfar Gradaim Chumarsáide 2026 ag an Searmanas Bronnta a bheidh ar siúl i i gCill Airne, Co. Chiarraí, Dé Céadaoin, 28 Deireadh Fómhair 2026, ceann de mhórócáidí Oireachtas na Samhna 2026. Déanfar an ócáid a shruthú beo ar www.antoireachtas.ie & www.tg4.ie ó 20:00 ar aghaidh. 

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil