Gardaí ag fiosrú nasc drugaí agus príosún, leis an ionsaí tine inar maraíodh Tadhg, 4

Tá fearg agus déistin i measc na nGardaí agus ceannairí polaitiúla faoi dhúnmharú an bhuachalla óig agus a shean-aintín in ‘ionsaí díoltais ag drong drugaí’

Tá na Gardaí ag fiosrú líomhaintí go bhfuil baint ag drugaí leis an ionsaí buama peitril inar maraíodh páiste agus a shean-aintín. Creidtear gur ionsaí díoltais a bhí ann.

Maraíodh Tadhg Farrell agus Mary Holt, 60 bliain d’aois, sa tine a tharla i dteach sraithe i bPáirc Radharc an Chaisleáin (Castleview Park) in Éadan Doire tráthnóna Dé Sathairn.

Tuairiscítear anois go bhfuil amhras ar na Gardaí gur ordaíodh an t-ionsaí ón bpríosún mar ionsaí díoltais.

Tá cealla príosúin á gcuardach agus tá na Gardaí ag lorg eolais faoi chomhráite gutháin a taifeadadh, de réir tuairisce san Irish Independent.

Phlúch an teach go gasta, agus is cosúil go raibh na daoine istigh gafa san fhoirgneamh.

Tuigtear nach raibh Tadhg, a bhí ceithre bliana d’aois, ina chónaí sa teach inar tharla an tine.

Tá bean ina caogaidí, a thuigtear a bheith ina seanmháthair le Tadhg agus ina deirfiúr le Mary, fós san ospidéal i riocht criticiúil tar éis di dónna troma a fhulaingt.

Dúirt an tAire Dlí agus Cirt, Jim O’Callaghan, gur ionsaí a bhí ann chun na daoine a chónaíonn sa teach a mharú’ a bhí san ionsaí.

Dúirt an tAire go raibh a fhios aige go raibh ceann de na bealaí fiosrúcháin ann ná gur drong choiriúil eagraithe a bhí páirteach i dtrádáil drugaí i lár na tíre a rinne an t-ionsaí.

Más amhlaidh atá, a dúirt sé, ‘deimhníonn sé go bhfuil drugaí ag scriosadh sochaithe agus go gcaithfidh daoine a bhíonn ag baint úsáide as drugaí a bheith ar an eolas go ndéanfaidh siad scrios, ní hamháin orthu féin, ach ar na daoine atá gar dóibh agus ar theaghlaigh sa cheantar.’

Rinne na Gardaí cur síos ar an eachtra mar ‘ionsaí cruálach, meargánta agus marfach ar theach teaghlaigh’.

Líne amháin den imscrúdú ná gur dócha gur drong choiriúil eagraithe a bhí páirteach i dtrádáil drugaí i lár na tíre a rinne an t-ionsaí.

Mar sin féin, bhí Mary agus Tadhg neamhchiontach agus ní raibh baint acu le haon chineál coiriúlachta.

Creideann na Gardaí gur cuireadh tús leis an tine d’aon ghnó tar éis do rud, buama peitril b’fhéidir, a bheith caite isteach sa mhaoin go gairid roimh 7.45in.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil