Ar siúl Dé Sathairn: Preab sa Cheol le réalta Bhaile Átha Cliath Fiach Moriarty

Bhí Fiach Moriarty ag seinm le go leor de réaltaí na hÉireann agus tá a stíl féin forbartha aige le trí albam dá chuid féin. Anois tá deis ann é a fheiceáil beo ag an bPreab sa Cheol is déanaí.

Sheinn Fiach Moriarty ceol le Paddy Moloney, Paul Brady, Horslips agus go leor eile agus is é an t-aoi ceoil don chéad Preab sa Cheol eile le Craobh Inse Chór de chuid Conradh na Gaeilge.

Is é Fiach fear ón gceantar áitiúil atá ag déanamh ainm láidir dá féin mar amhránaí agus chumadóir ceoil.

Rugadh agus tógadh é ar imeall Bhaile Formaid agus Séipéal Iosóid, agus d’fhoghlaim a chuid Gaeilge ag freastal ar Ghaelscoil Inse Chór.

D’oibrigh Fiach le Paul Brady, Declan O’Rourke, Paddy Moloney agus Eddie Reader, i measc go leor eile go dtí seo.

Tá trí albam aonair aige, lena n-áirítear ‘Liberties’ a scaoileadh anuraidh. Ina theannta, tá breis is 65 milliún adharc bailithe ar leagan clúdaigh Fiach de ‘Mr Blue Skies’ (taifeadadh ar dtús ag an mbanna ceol ELO ar ais i 1977) ar an t-ardán TikTok.

Seinneann sé giotár leis an ngrúpa cáiliúla Horslips freisin, agus le Aldoc, grúpa ceoil a chuireann ceol traidisiúnta le chéile le gach cineál tionchair chomhaimseartha i meascán úr, cruthaitheach agus beoga.

Chomh maith le sin go léir, bhí Fiach le feiscint ar an teilifís le déanaí freisin, mar chomh-láithreoir le Fiachna Ó Braonáin (Hothouse Flowers) agus Jim Lockhart (Horslips) den seó teilifíse ‘Jingle Jangle’.

Tá sé ag feidhmiú i gClub Spóirt agus Sóisialta Inse Chór ar an Satharn seo chugainn, 22 Samhain, ag 8pm, mar pháirt den tsraith Preab sa Cheol atá á rith ag Craobh CnaG Inse Chór.

‘Is iad na haidhmeanna le sin ná go gcuirfimís ócáidí ar fáil do dhaoine sa cheantar a gcuid Gaeilge a úsáid i gcomhthéacs taitneamhach agus tacúil,’ arsa Simon Ó Donnabháin, cathaoirleach na Craoibhe.

‘Agus, ag an am céanna, go gcuirfimis leis an spás soisialta d’amhránaithe agus ceoltóirí chun úsáid a bhaint as a gcuid Gaeilge.’

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil