Beidh beirt aisteoir as Éirinn – Jessie Buckley agus Domhnall Gleeeson – i bpríomhróil sa scéal beoite mór Nollag atá ag teacht ar BBC i mbliana, The Scarecrows’ Wedding.
Is iad Jessie as Cill Airne i gCo. Chiarraí agus Domhnall, ball den chlann aisteoireachta cháiliúil Gleeson, na réaltaí Éireannacha.
Tá an scéal bunaithe ar leabhar pictiúr le Julia Donaldson agus léaráid le hAxel Scheffler.
Insítear ann faoi bheirt babhdáin (scarecrows) dhílis – Betty O’Barley (Jessie Buckley) agus Harry O’Hay (Domhnall Gleeson) – atá ag ullmhú dá pósadh, ach tagann trioblóid nuair a thagann Reginald Rake (Rob Brydon), babhdán cliste agus mealltach, ar an láthair.
Dúirt Jessie Buckley leis an BBC: ‘Is breá liom an scéal seo. Tá go leor nóiméad álainn sa scannán, ach is aoibhinn liom an radharc ina léirítear na chéad mhothúcháin grá idir Harry agus Betty – an faitíos agus an neamhchinnteacht atá timpeall air.
‘Tá siad ag druidim le chéile de réir a chéile, ag tuiscint gur mhaith leo a bheith le chéile… tá taithí ag gach duine air sin. Tá sé faoi ghrá óg agus faoi thuiscint ar cad atá fíorthábhachtach sa saol.’
Dúirt Gleeson: ‘Is carachtar teolaí é Harry – dílis, grámhar, agus tiomanta do phósadh foirfe a chur ar fáil do Betty.
‘Bhain mé an-taitneamh as é a thabhairt chun beatha, go háirithe nuair a chuirtear a dhílseacht faoi bhrú agus caithfidh sé a chruthú gur laoch fíor é.
‘Is aoibhinn liom an obair a rinne mé ar Harry, agus táim fíorshásta a bheith ag obair leis an bhfoireann seo. Is mór an onóir dom a bheith páirteach i rud atá déanta go speisialta do pháistí don Nollaig.’
Tá Sophie Okonedo mar scéalaí ar an scannán, agus tá sé stiúrtha ag Samantha Cutler agus Jeroen Jaspaert. Scríobh Steven Bloomer an script.
Tá Triggerfish Animation Studios, atá lonnaithe i Cape Town, Manchain, agus Gaillimh, tar éis tacú leis an mbeochan don chlár speisialta 30 nóiméad seo, a rinne Magic Light Pictures i gcomhar le Red Star.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
