Bhí 24 duine gortaithe i ndiaidh ionsaí neamhghnách ó shaithe beach meala i mbaile Aurillac sa Fhrainc, an tseachtain seo. Cad a bhí i gceist leis?
Bhí triúr i riocht criticiúil ach tá siad feabhsaithe ó shin. De réir tuairisc ón réigiúnach Cantal, i lár theas na Fraince, d’ionsaigh na beacha daoine thar tréimhse thart ar 30 nóiméad ar maidin Dé Domhnaigh.
Chuir foirne dóiteáin agus cóir leighis ar na híospartaigh, agus bhunaigh na póilíní corda slándála go dtí gur stop na beacha ag ionsaí.
Tógadh an triúr a bhí i riocht criticiúil chuig ospidéal áitiúil.
Dúirt Pierre Mathonier, méara Aurillac, go raibh feabhas tagtha ar a riocht.
Bhí duine de na híospartaigh ina dhuine 78 bliain d’aois a raibh gá le hathbheochan air tar éis stad cardiorespráideach, a dúirt sé.
Mhol an méara go bhféadfadh an eachtra a bheith bainteach le cornfhoichí Áiseacha (Asian hornets) a bhí ag bagairt ar choirceog bheach (beehive) a bhí suite ar ardán díon óstáin le breis agus deich mbliana, rud a d’fhéadfadh a bheith ina chúis le hiompar ionsaitheach na mbeach.
Dúirt Mathonier gur bhain an beachaire an choirceog agus gur aistrigh sé í lasmuigh den bhaile.
Dúirt Leifteanant-Choirnéal Michel Cayla, ceannaire na seirbhísí dóiteáin áitiúla, nach raibh sé riamh tar éis ionsaí mar seo a fheiceáil.
Is speiceas ionrach iad na cornfhoichí Áiseacha a chuireann bagairt mhór ar na beacha meala.
Is as an Áise iad ó dhúchas ach tugadh isteach sa Fhrainc iad de thaisme in 2004 agus tá siad scaipthe ar fud na hEorpa ó shin.
‘Ardaíonn sé ceisteanna faoi láthair choirceog i lár na cathrach. D’fhéadfadh sé a bheith i bhfad níos measa,’ a dúirt Mathonier.
I mí Aibreáin 2021, fuarthas cornfhoiche Áiseach amháin ‘beo ach ag fáil bháis’ i mBaile Átha Cliath.
Níl aon fhianaise ann go bhfuil nead bunaithe sa cheantar, agus tá iarrachtaí faireachais ar siúl.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
