Ní rud a spreagtar go mór na laethanta seo é litreacha a scríobh, ach d’fhéadfadh athrú teacht air sin.
Is minic a insíonn tuismitheoirí dúinn go bhfuil béasaí tábhachtach, ach léiríonn taighde nua gur féidir le litir bhuíochais a scríobh do mheabhairshláinte a fheabhsú.
De réir staidéir ó Ollscoil Northumbria sa Bhreatain, cuidíonn scríbhneoireacht dhearfach le folláine intinne má dhéantar í i gceart.
Bhí Lauren Hoult, príomhúdar an staidéar, ag breathnú ar 51 alt a scríobh daoine idir 1930 agus 2023 a bhain le scríbhneoireacht bhuíochais agus dhearfach.
Fuair siad amach go bhfeabhsaíonn an cineál seo scríbhneoireachta sonas agus sástacht saoil.
Cé go gcabhraíonn scríobh le strus go fadtéarmach, d’fhéadfadh sé mothúcháin dhiúltacha a spreagadh i láthair na huaire.
Thug an taighde le fios go bhfuil an tairbhe is mó ag baint le litreacha buíochais – scríobh faoinár mbuíochas do dhaoine eile nó do na rudaí dearfacha sa saol.
Bhí éagsúlacht idir na héifeachtaí ar imní agus dúlagar i measc daoine agus cineálacha idirghabhála.
Dúirt Ms Hoult: ‘Léiríonn ár n-athbhreithniú go mbíonn leas comhsheasmhach ag baint le scríbhneoireacht léiritheach dhearfach chun leasa folláine mheabhrach.’
Dúirt sí: ‘Fuarthas na buntáistí is láidre i gcleachtaí scríbhneoireachta buíochais.’
Mar sin, má tá tú ag iarraidh do mheon a ardú, tóg peann agus scríobh litir bhuíochais!
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
