Tá víreas múisce an gheimhridh, ar a dtugtar norovirus, fós ag scaipeadh go forleathan agus meastar go leanfaidh sé seo ar aghaidh ar feadh cúpla seachtain eile.
Tá líon na gcásanna dúbailte ó thús na bliana, agus tá 100 duine ag fulaingt leis an ngalar anois agus tá 67% díobh seo os cionn 65 bliana d’aois.
Is víreas an-tógálach é norovirus agus scaipeann sé go héasca trí theagmháil idir daoine.
Bíonn sé coitianta sa gheimhreadh. Bíonn múisc (vomitting) agus buinneach (diarrhoea) ag baint leis de ghnáth.
Cé go mbíonn sé míthaitneamhach, imíonn an víreas de ghnáth laistigh de chúpla lá.
Moltar go leor leachtanna a ól chun fanacht hiodráitithe.
Molann an Lárionad Faire um Chosaint Sláinte (HPSC) do dhaoine fanacht amach ón obair nó ón scoil ar feadh 48 uair an chloig tar éis deireadh na siomptóim.
Seachain dul chuig an Aonad Éigeandála mura bhfuil tú an-tinn. Déan teagmháil le do dhochtúir ar an bhfón ina ionad.
Moltar duit do lámha a ní go minic le huisce agus gallúnach, mar ní mharaíonn glóthacha lámh alcóil norovirus.
Sa chéad seachtain de 2025, taifeadadh 42 cás, ach anois tá sé sin ardaithe go 100.
Is iad daoine os cionn 65 an dream is mó i mbaol, agus is iad páistí faoi cheithre bliana d’aois an dara grúpa is mó a mbíonn an víreas orthu.
Bí cúramach agus lean na treoracha sláinte chun tú féin agus daoine eile a chosaint.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
