ExtraG.ie ar ghearrliosta do ghradam mór

Tá fás suntasach tagtha ar ExtraG.ie ag cur an nuacht ar fáil go laethuil – agus anois tá sé ar ghearrliosta do Ghradam Margaíochta Uile-Éireann

Tá ExtraG.ie, branda na meáin de chuid dmg media, ar an ngearrliosta do Ghradam Margaíochta Uile-Éireann

Is mór an onóir do dmg media a fhógairt go bhfuil ExtraG.ie, an suíomh gréasáin nuachta, spóirt agus siamsaíochta Gaeilge, ar an ngearrliosta do ghradam Margaíochta Uile-Éireann (All Ireland Marketing, AIM) de chuid Institiúid Margaíochta na hÉireann (Marketing Institute of Ireland, MII).

Tá fás suntasach tagtha ar ExtraG.ie, síneadh branda ar an suíomh gréasáin Extra.ie, ó cuireadh tús leis i 2023. Le dhá bhliain anuas, tá sé tagtha chun bheith ina fhoinse iontaofa d’ábhar ardchaighdeáin i nGaeilge, ag freastal ar lucht léitheoireachta éagsúil a bhfuil dúil mhór acu sa nuacht, sa spórt agus sa tsiamsaíocht.

Tagann an t-ainmniúchán, sa chatagóir Gradam Margaíochta le Gaeilge, seachtainí tar éis seoladh a bhforlíonadh nua, ExtraG Gach Seachtain, a fhoilsítear gach Aoine leis an Irish Daily Mail.

Dúirt Paul Henderson, Príomhfheidhmeannach do dmg media: “Tá na Gradaim Margaíochta Uile-Éireann i measc na ngradam is mó le rá atá á mbronnadh ag an tionscal. Is onóir é ceann dár mbrandaí a bheith ar an ngearrliosta, in aon chatagóir. Táimid ag tnúth le ExtraG.ie a thaispeáint do na moltóirí an mhí seo chugainn.”

Cuireann ExtraG.ie agus ExtraG Gach Seachtain meascán saibhir de nuacht, spóirt agus siamsaíocht ar fáil. Tá sé mar aidhm acu an Ghaeilge a cheiliúradh agus a chur chun cinn, ag soláthar ábhar tarraingteach agus ábhartha do chainteoirí líofa agus d’fhoghlaimeoirí araon.

Scéalta Gaeilge
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil