Ní féidir bealaigh éigeandála in ospidéil na tíre a úsáid de bharr go bhfuil siad chomh plódaithe sin, rud a chruthaíonn imní go mbeidh tubaiste eile cosúil le Stardust ann.
Dúirt Phil Ní Sheaghdha, Ard-Rúnaí ar Chumann Altraí agus Ban Cabhrach na hÉireann (INMO), go mbíonn othair ag fanacht in áiteanna dainséaracha os comhair bhealaigh éigeandála dóiteáin in ospidéil.
Taispeánann na staitisticí is déanaí go bhfuil 796 othar ar thralaithe, cathaoireacha agus spásanna mí-oiriúnacha eile le haghaidh leapacha in ospidéil na hÉireann.
Dúirt an-chuid oibrithe sa chóras sláinte nach mbíonn fáil ar bhealaigh éigeandála ‘ar bhonn laethúil’ seachas Lá Nollag.
Tá sé geallta anois ag urlabhraí sláinte Shinn Féin David Cullinane go gcuirfidh sé iachall ar cheannairí an HSE teacht ar cuairt go Teach Laighin nuair atá Coiste Sláinte bunaithe.
Dúirt sé: ‘Taispeánannsé seo an chaoi nach mbíonn ord ná eagar ar rannóga éigeandála áirithe. Bíonn sé ag cur isteach ar an tsábháilteacht dóiteáin.
‘Ba chóir don earnáil phoiblí diansmacht a bheith acu ar shábháilteacht dóiteáin. Bhí an t-uafás tubaistí tragóideacha ann.’
Dúirt an tUasal Cullinane gur cheart d’Éirinn a bheith ag foghlaim ó thragóidí an ama a chuaigh thart, ag tagairt don tine i gclub oíche Stardust, a mhaígh saol 48 duine i 1981 nuair a dúnadh na bealaí amach dóiteáin.
Dúirt an TD: ‘Bhí roinnt acu againn san am a chuaigh thart, ach ar fud an domhain freisin, nuair a cuireadh bac ar na bealaí éalaithe dóiteáin, agus tá a fhios againn na hiarmhairtí uafásacha a d’fhéadfadh teacht dá bharr sin dá mbeadh fadhb ann riamh. Mar sin caithfidh tú sábháilteacht dóiteáin a ghlacadh go han-dáiríre.’
Tá an INMO tar éis iarraidh ar an Údarás um Fhaisnéis agus Cáilíocht Sláinte (HIQA) fiosrúchán a dhéanamh faoin róphlódú a bhíonn ar siúl in ospidéil agus an iarmhairt a bhíonn aige seo ar bhealaigh éigeandála.
D’iarr an ceardchumann ar oibreoirí dóiteáin cigireacht a dhéanamh ar ospidéil.
Níor fhreagair urlabhraí de chuid an HSE nuair a cuireadh an cheist an raibh bord na heagraíochta ar an eolas go raibh othair in ospidéil ag blocáil bealaigh éigeandála.
Dúirt an t-urlabhraí áfach: ‘Tá an HSE tiomanta glacadh lena ndualgais de réir an dlí maidir le baol dóiteáin agus sábháilteachta.’
Dúirt an HSE go raibh ardú tar éis teacht ar an tinreamh i rannóga éigeandála i mbliana, go háirithe i measc seandaoine agus chuir sé seo brú ar an gcóras sna hospidéil.
D’eisigh an Roinn Sláinte ráiteas freisin. Dúirt sé: ‘Bíonn na mílte othair le feiceáil inár rannóga éigeandála gach lá.
‘In ainneoin seo, faigheann formhór na n-othar leaba má tá sé de dhíth agus ní fhanann siad ar thralaí ar feadh tréimhse rófhada.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
