Dar le Teanglann.ie an brí atá le ‘crá’ ná ‘torment’ , rud a mhíníonn an frása ‘crá croí’ is dócha.
Mar sin féin tá ciall eile leis; is é an teideal freisin ar shraith nua coireachta a bheidh ag teacht go TG4 go luath.
Tá Dónall Ó Héalai, a bhí in Monster agus Foscadh, sa phríomhról i gCrá, agus tá Alex Murphy, a bhfuil aithne orainn air mar Conor in The Young Offenders.
Tá Crá suite i sráidbhaile iargúlta i nDún na nGall, áit a gcuirtear tús le himscrúdú dúnmharaithe nuair a aimsíonn Murphy, atá i ról garda óg, corp curtha sa phortach (bog).
Tá an Garda Conall Ó Súilleabháin, le Dónall Ó Héalai sa ról, ar an gcás go dtí go bhfaigheann siad amach gurb é corp a mháthar féin, a bhí ar iarraidh le 15 bliana, é.
Is cás dúnmharaithe é ach tá cosc ar Chonall oibriú air go dtí go dtarraingíonn iriseoir óg diongbháilte, Ciara-Kate, é isteach san fhiosrúchán.
Tá Hannah Brady sa ról sin, agus tá sí mar dhuine atá ag baint úsáide as a phodchraoladh fíor-choireachta (true crime) chun rúin is doimhne an tsráidbhaile a nochtadh.
Agus an fhírinne á réiteach acu, caithfidh siad aghaidh a thabhairt ar phobal atá faoi cheangal ag ciúnas agus a chóid mhorálta féin.
Tugann Conall faoi deara go bhfuil Ciara-Kate in ann eolas a fháil ó dhaoine nach bhfuil sásta labhairt leis na Gardaí.
Más mian le Conall an chóir a éileamh beidh air dul i mbun oibre leis an iriseoir seo. Mar sin féin, beidh aistear gruama i ndán don bheirt acu…
Ní hamháin go ndéanann an tsraith iniúchadh ar rúndiamhair an dúnmharaithe ach déanann sí iniúchadh freisin ar chumhacht na meán nua-aimseartha.
Craoltar gach casadh den imscrúdú chuig lucht féachana atá ag dul i méid trí phodchraoladh Ciara-Kate.
An bhfuil na meáin ag tuairisciú an dráma nó is cúis leis?
Is rud annamh é seo mar sin tá fáilte roimh Crá, sraith Ghaeilge le fotheidil Bhéarla.
Tá sé léirithe ag Fíbín Media agus Zoogon do TG4 agus BBC Gaeilge agus beidh sé ar fáil ar BBC Thuaisceart Éireann chomh maith.
• Crá, an tsraith 6-pháirt ag tosú Dé Luain, 11 Samhain, ag 9.30pm ar TG4
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
