Dúirt Pat Spillane gur mhothaigh sé ‘réimse mothúcháin’ nuair a d’amharc sé ar Chúige Laighean ag imirt i gCúige Mumhan i bPáirc an Chrócaigh sa rugbaí.
Agus thug laoch peile Chiarraí rabhadh go leanfaidh rugbaí ar aghaidh in áit an CLG mura ndéantar níos mó leis an spórt náisiúnta a chur chun cinn.
Dúirt Spillane go raibh ‘fearg’ ag baint lena bhreathnú ar an rugbaí mar gur thuig sé an difríocht idir an tacaíocht a bhí ag an dá spórt.
‘Agus mé ag breathnú ar chluiche Laighean-Mumhan, chuir raon mothúchán isteach orm,’ a scríobh Spillane san Irish Independent.
‘Fearg ar dtús. Ní raibh ach trí huaire i mbliana a rabhamar in ann an staidiam a líonadh d’imeachtaí CLG – an dá chluiche ceannais sinsear na hÉireann agus cluiche leathcheannais iomána amháin, an cluiche idir Corcaigh agus Luimneach,’ a dúirt sé.
‘Tharraing cluiche rugbaí Chúige Laighean vs Mumhan slua níos mó ná an lucht freastail ar chluichí craobhchomórtais Chúige Laighean ar fad a cuireadh le chéile ag Baile Átha Cliath.
‘Smaoineamh deacair é sin,’ a dúirt an iar-tráchtaire ó RTÉ.
‘Cén fáth a raibh an suim agus an “hype” a bhí ag na meáin cumarsáide ar fad ann do sin? Cén fáth go bhfuil an teach lán chomh beag sin i gcontúirt?,’ a d’fhiafraigh Spillane.
‘Tá an freagra an-simplí: déantar an rugbaí a mhargú agus a chur chun cinn go saineolach.
‘Bhí fógraí Guinness ó 2010 ag dearbhú go raibh Éire ina “tír rugbaí” éifeachtach, ag seachadadh teachtaireacht ag léiriú an chumhacht atá ann ag spórt chun tír a ardú agus a aontú.’
Dúirt Spillane: ‘Bhí siad seo ag cruthú bród agus bhí siad ag baint le rugbaí.
‘Leanann mana Vodafone le déanaí, ‘The Team of Us’, líne teachtaireachtaí atá chomh hiontach céanna.’
Lean Spillane ar aghaidh ag maíomh go bhfuil ‘mian bháis (death wish)’ ag ceannairí an CLG maidir le cur chun cinn na gcluichí agus go bhfuil an rugbaí tar éis glacadh le seasamh an “hottest” agus an “sexiest” spórt in Éirinn.
Dúirt sé: ‘Mar sin, cad atá á dhéanamh ag CLG agus é seo ar fad ar siúl?
‘Is cosúil go bhfuil na daoine ar an mbarr ag glacadh le mianta báis de shaghas éigin, ag déanamh neamhairde de chur chun cinn na gcomórtas, na gcluichí agus na réaltaí is fearr de chuid CLG.
‘Tá an bun sroichte againn; caithfimid a bheith ag súil gurb é an t-aon bhealach atá againn anois ná dul suas,’ arsa Spillane.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
