Tá sé maíte ag an Tánaiste Micheál Martin nach mbeidh táillí úsáide bóithre ag dul ar aghaidh, ainneoin moltaí ó Bhonneagar Iompair Éireann (TII) maidir le beartas an Rialtais.
Rinne an grúpa a thugann comhairle don Rialtas faoi bheartas iompair an moladh maidir le táillí bóithre.
Tá sé ar cheann de na roghanna atá ann chun an Stát a mhaoiniú mar gheall ar ioncam a chailltear nuair a úsáidtear níos lú carranna agus go mbeidh níos lú airgid ó cháin bóthair agus ó cháin bhreosla ag teacht isteach.
Chuir na Ranna Airgeadais agus Iompair de chúram ar TII – gníomhaireacht Stáit – bealaí a aimsiú chun aghaidh a thabhairt ar an easnamh idir €1.5 billiún agus €3 billiún don Státchiste de réir mar a aistríonn tiománaithe go feithiclí leictreacha.
Iarradh air é seo a dhéanamh in éineacht le hastaíochtaí (emissions) ó iompar a laghdú 50% faoi 2030.
Thuairiscigh ExtraG.ie gur ceann de na bearta atá á mheas ná táille a ghearradh ar thiománaithe as an ngréasán bóithre náisiúnta a úsáid.
Chiallódh moladh amháin go gcosnódh turas ó Mhaigh Nuad go Baile Átha Cliath Láir €38, agus chosnódh turas ó Chorcaigh go Baile Átha Cliath €163.
Tá sé deimhnithe cheana féin ag urlabhraí de chuid na Roinne Iompair go raibh an rogha táille úsáide bóithre á scrúdú.
Dúirt sé go raibh sé ‘ag céim luath’ agus go raibh TII ag féachaint ar roinnt roghanna agus córais dola a chinnteodh ‘feabhsú aeráide agus feidhmíocht eacnamaíoch’ amach anseo.
Deir an tuarascáil: ‘D’fhéadfadh go mbeadh leibhéil arda praghsála ag teastáil chun athrú bunathraithe a thiomáint.’
Mhaígh an Tánaiste agus Aire Cosanta, an tUasal Martin, nár cuireadh plean dá leithéid faoi bhráid an Rialtais.
‘Is staidéar é sin. Níl moltaí ar bith tagtha os comhair an Rialtais,’ a dúirt sé.
D’áitigh ceannaire Fhianna Fáil freisin ‘nach mbeidh sé ag tarlú’.
Bhí sé ag labhairt ag Airmhean Traenála Óglaigh na hÉireann i gCo. Chill Dara.
Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Más mian leat ríomhphost (email) a fháil leis na scéalta is fearr ar Extra.ie, ó Luan go hAoine, seol an focal ‘Tá’ chuig joeextragdotie@gmail.com
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
