Tá Stiúrthóir an FBI, Kash Patel, faoi bhrú ó choimeádaigh agus ó Phoblachtánaigh mar gheall ar a cheannaireacht ar an imscrúdú faoi dhúnmharú Charlie Kirk.
Argóint amháin ina choinne ná a fhógra earráideach ar na meáin shóisialta go raibh ‘ábhar’ an dúnmharaithe faoi choimeád. Ach ag an am sin ba é an duine mícheart a bhí ann, agus scaoileadh saor an duine sin.
Beidh Patel i láthair Dé Máirt agus Dé Céadaoin os comhair choistí breithiúnais an tSeanaid agus an ‘Congress’, agus táthar ag súil go bhfreagróidh sé ceisteanna faoin gcaoi ar láimhseáil an FBI cás Kirk.
Fiafrófar de freisin an féidir leis dul i gceannas i gceart ar an mbiúró atá scoilte le troideanna polaitiúla.
Feictear ceapadh Patel mar chuid de na deighiltí polaitiúla tocsaineacha i Meiriceá ó tháinig Donald Trump chun bheith ina uachtarán.
Mhol Trump Patel Dé Sathairn, as an luas lenar aithin agus a ghabh an biúró marfóir líomhnaithe Kirk, Tyler Robinson.
Ach níor chuir sin stop le cáineadh fiú ó choimeádaigh agus ó Phoblachtánaigh, atá tosaithe ag smaoineamh an bhfuil Patel cáilithe chun ceannas a dhéanamh ar phríomhchomhlacht forfheidhmithe dlí na tíre ina bhfuil 38,000 fostaí, lena n-áirítear 13,000 gníomhaire.
I ráiteas a foilsíodh ar X, scríobh Christopher F Rufo, ón ngrúpa coimeádach, Manhattan Institute, go raibh sé ‘am do Phoblachtánaigh measúnú a dhéanamh ar cibé an é Kash Patel an fear ceart chun an FBI a rith’.
‘Bhí sé go huafásach le cúpla lá anuas, agus níl sé soiléir an bhfuil an saineolas oibríochtúil aige chun imscrúdú a dhéanamh, agus cur isteach ar na gluaiseachtaí foréigneacha – cibé idé-eolaíocht – a bhagraíonn an tsíocháin sna Stáit Aontaithe,’ a dúirt sé.
‘Bhí mé ar an bhfón le cúpla lá anuas le go leor ceannairí coimeádacha, a thacaíonn go hiomlán le riarachán Trump ach nach bhfuil muiníneach go bhfuil struchtúr reatha an FBI in ann an tasc seo a dhéanamh,’ a dúirt Rufo freisin.
Léirigh an tráchtaire coimeádach Erick Erickson a thuairim freisin, ag scríobh ar X, ‘Tá staid an FBI imníoch.’
Rinne grúpaí ar an eite dheis magadh faoi Patel freisin as a ‘fhreagra neamhchinnte’ ar dhúnmharú Kirk.
Le linn do ghníomhairí fiosrúcháin a dhéanamh, phostáil Patel ar X: ‘Tá ábhar an lámhach uafásaigh inniu a thóg saol Charlie Kirk faoi choimeád anois.’
Bhí sé mícheart. Go gairid ina dhiaidh sin, phostáil Patel go raibh an duine faoi choimeád scaoilte saor.
Rinne Dick Durbin, Poblachtánach, cur síos ar bhotún Patel mar ‘amateur hour’ agus chuir sé ceist ar a ghairmiúlacht.
An lá a maraíodh Kirk, bhí Patel os comhair dlí freisin ó thriúr feidhmeannach sinsearach den bhiúró a caitheadh as a post i Lúnasa a raibh, a raibh cur síos air mar fheachtas díoltais riarachán Trump.
I measc na ndaoine sin bhí Brian Driscoll, a bhí mar stiúrthóir gníomhach i laethanta tosaigh riarachán Trump.
Diúltaigh sé d’éilimh na Roinne Dlí agus Cirt ainmneacha a thabhairt suas don na ngníomhairí a rinne fiosrúchán ar an círéib ar an 6 Eanáir, 2021 i Washington.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
