Cé hé Charlie Kirk, an tacaí óg, i bhfad ar dheis, de chuid Trump a lámhachadh chun báis?

Fear óg conspóideach i bhfad ar dheis ab ea Charlie Kirk, a dhiúltaigh don eolaíocht ar Covid agus athrú aeráide; agus a mhaígh nach raibh aon chiníochas i Meiriceá.

Ba thacaí láidir de chuid Donald Trump agus JD Vance an stocaire polaitiúil i bhfad ar dheis Charlie Kirk a lámhachadh agus a maraíodh in Utah.

Scríobh Donald Trump, tar éis a bháis: ‘Tá Charlie Kirk Iontach, agus fiú Laoch, marbh. Níor thuig ná ní raibh Croí na hÓige sna Stáit Aontaithe Mheiriceá níos fearr ná Charlie ag aon duine eile.’

San am atá thart, chuir sé mífhaisnéis chun cinn maidir le Covid-19, dhiúltaigh sé do thorthaí eolaíocha ar athrú aeráide, agus shéan sé go bhfuil ciníochas sistéamach i sochaí Mheiriceá.

Cuireadh ina leith go raibh sé frith-Sheimíteach, agus chuir sé éilimh mhíchearta calaoise toghcháin chun cinn tar éis do Trump toghchán 2020 a chailleadh.

Bhí Kirk, a bhí 31 bliain d’aois, ag labhairt le mic léinn in Ollscoil Utah Valley nuair a lámhachadh é. Bhí an-tóir air i measc coimeádach mar phodchraoltóir.

D’iarr Trump agus Vance ar phaidreacha dó sna huaireanta i ndiaidh an lámhaigh.

Mar athair beirte clainne, bhí sé ina ghníomhaí coimeádach ar feadh cuid mhaith dá shaol.

Sa bhliain 2012, ag aois 18, bhunaigh sé Turning Point USA, eagraíocht a thacaíonn le polaitíocht na heite deise i meánscoileanna agus in ollscoileanna.

Thacaigh Turning Point, agus Kirk, le Donald Trump don uachtaránacht sa bhliain 2016 tar éis amhras tosaigh.

Ó shin i leith, bhí Kirk ina thacadóir díograiseach de chuid Trump. D’fhóin sé mar chúntóir pearsanta dá mhac, Donald Trump Jr.

Bhí cáil air as díospóireachtaí lasmuigh a reáchtáil ar champasanna ar fud na Stát Aontaithe. Ba fhórsa láidir é i measc Meiriceánaigh óga ar son na polaitíochta coimeádaí.

Dúirt an ollscoil gur scaoileadh an t-urchar ó thart ar 200 slat ar shiúl. Bhí bean chéile Kirk agus a bheirt pháiste óga ar an gcampas, a dúirt seanadóir.

Taispeánann físeán amháin é á cheistiú faoi lámhacha móra sular scaoileadh an t-urchar.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil