Tá na Náisiúin Aontaithe ag tabhairt rabhadh go bhféadfadh páistí i nGaza bás a fháil ón tart mura gcuireann Iosrael deireadh leis an gcosc 100 lá ar bhreosla sa cheantar atá faoi léigear.
Tá Gaza ag fulaingt ó choinníollacha cosúil le gorta, de réir grúpaí cearta daonna, ó thosaigh Iosrael ag cur cosc iomlán ar sholáthairtí i Márta.
Tá coscanna fós i bhfeidhm, agus tá cás na bpobal ag dul in olcas i nGaza.
De réir Aireacht Sláinte na bPalaistíneach, maraíodh ar a laghad 516 duine agus gortaíodh thart ar 3,800 eile le gunnaí Iosrael agus iad ag fanacht le cabhair ó dheireadh mhí na Bealtaine.
I gcásanna le déanaí i nGaza lárnach agus theas, maraíodh 46 duine a bhí ag fanacht le bia, dar le seirbhísí tarrthála agus ospidéil.
Tá na hionsaithe seo tagtha chun bheith ina ngnáthrud beagnach gach lá.
Tá na Náisiúin Aontaithe tar éis cáineadh géar a dhéanamh ar an gcóras cabhrach atá á mhaoiniú ag SAM agus Iosrael i nGaza, ag glaoch air mar ‘truailliú’ agus ‘gaiste báis’.
Gan na básanna is déanaí san áireamh, tá os cionn 410 Palaistíneach maraithe ó thosaigh an Gaza Humanitarian Foundation ag obair i mí na Bealtaine.
Taispeánann píosaí físe ó ospidéal al-Awda i Nuseirat daoine óga le créachta gunnaí á dtarraingt isteach, cuid acu clúdaithe le fuil.
Dúirt oifigigh ospidéil gur maraíodh 21 duine agus gur gortaíodh 150 eile.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
