Tá Brendan Courtney ar dhuine de na daoine is mó cáil in Éirinn maidir le dearadh intí (interior design), agus léirítear sin go soiléir ina bhaile féin atá maisithe go galánta agus le stíl.
Roinn Courtney físeán ar na meáin shóisialta ag taispeáint a bhungaló dhá sheomra leapa i gCill Mhantáin – teach scoite ar bharr cnoic os cionn bhaile Chill Mhantáin, le radharcanna áille ón ngairdín. Dúirt sé: ‘Cúldoirse oscailte den chéad uair,’ agus léirigh sé a chúlghairdín grianmhar le radhairc farraige.
Bhog Courtney ó chathair Bhaile Átha Cliath go dtí an teach nua, agus d’úsáid sé an t-airgead ó árasán i Londain chun an t-athrú a mhaoiniú.
Tá Courtney níos cóngaraí dá mhuintir anois – tá a dheirfiúr Deboragh ina cónaí san eastát céanna lena fear céile Jeff agus a mac.
Taispeánann an físeán a chistin/spás maireachtála atá oscailte, le troscán faiseanta agus sonraí cliste.
Tá bord adhmaid galánta ann le babhlaí ildaite agus spúnóga. Tá an cuisneoir agus reoiteoir ceilte taobh thiar de phainéal adhmaid a oireann don stíl.
Tá na cuntair uachtaracha snasta ar aon dath lena tolg, cathaoir uilleach agus ‘pouff’ compordach, atá socraithe thart ar a scáileán comhréidh sa chúinne.
Mar leath den ‘duo deartha’ Lennon Courtney, tá go leor d’earraí nua an bhranda le feiceáil ar fud an tí.
Ar deireadh, chas Courtney an ceamara chun radharcanna na trá a thaispeáint – áit a dtugann sé a mhadra beag Nancy ag snámh go rialta mar níl an fharraige ach siúlóid ghearr ar shiúl.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
