Bhí an bua ag Jack O’Connor agus Ciarraí in aghaidh Maigh Eo i gcluiche ceannais an tSraith Allianz Dé Domhnaigh, agus Corn Mhíchíl Uí Mhuircheartaigh ag dul abhaile go dtí an ‘Kingdom’.
Cheapfá go mbeadh áthas an domhain ar an bhainisteoir O’Connor, ach tá gearán nó dhó fós le déanamh aige.
Níor thug sé ach sé phointe as deich dá fhoireann féin agus deir sé go bhfuil an-chuid le déanamh acu roimh thús Chraobh na hÉireann – agus deir sé freisin go gcaithfidh cluiche cheannais Chraobh na hÉireann a bhrú siar.
Tá sé den tuairim go bhfuil an t-am idir deireadh na Sraithe agus tús na Craoibhe – seachtain amháin – róghearr.
Agus ní hé O’Connor amháin a deir gur chóir sos a bheith ag na himreoirí idir an tSraith agus an Chraobh.
Creideann O’Connor go bhfuil na foirne a shroicheann an cluiche ceannais á phionósú mar gheall ar an sceideal don Chraobh.
Síleann sé go mbeadh sé i bhfad níos ciallmhaire dá mbeadh an Chraobh ar siúl níos déanaí sa bhliain, b’fhéidir i mí Lúnasa.
Agus ní hé O’Connor an t-aon bhainisteoir a chreideann é seo. Go deimhin, an raibh na foirne móra ag iarraidh áit a bhaint amach i gcluiche ceannais na Sraithe ar scor ar bith?
Nó an raibh níos mó ama uathu le hullmhú don Chraobh?
Chuaigh Dún na nGall, Átha Cliath, agus Gaillimh isteach i mBabhta 7 ag barr an tábla sa Roinn 1, ach chaill siad uile.
Mar thoradh air sin, bhí Ciarraí agus Maigh Eo sa chluiche ceannais.
Bhí feachtas láidir ag Dún na nGall agus Gaillimh sa tSraith, ach tá siad le dul san iomaíocht sa Chraobh an deireadh seachtaine seo chugainn.
Agus beidh cluiche ag Maigh Eo ag an deireadh seachtain freisin, agus iad ag imirt in aghaidh Sligeach. Sin tar éis an dúshláin crua a bhí acu in aghaidh Chiarraí an deireadh seachtain seo caite.
Creideann O’Connor nach bhfuil sé sin cothrom.
‘Ní ceart go mbeadh foirne ag imirt sa Chraobh an tseachtain tar éis cluiche ceannais na Sraithe. Ní thugann sé an meas atá tuillte,’ a dúirt sé.
Dúirt O’Connor gur thug Dún na nGall le fios nach raibh cluiche ceannais na Sraithe mar phríomhchuspóir acu, mar bhí an Chraobh ag tosú an tseachtain dár gcionn.
‘Nílim ag gearán faoi Dhún na nGall. Táim ag gearán faoi easpa ama. Beidh orainn an Chraobh a bhrú siar mí nó mar sin.
‘Tá sé sin craiceáilte do lúthchleasaithe amaitéaracha. Ní fheicim conas is féidir linn sos a fháil mura gcuirtear an Chraobh siar go mí Lúnasa,’ a dúirt sé.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
