Tá an chuma ar an scéal faoi láthair go bhfuil Sam Maguire sa dara háit, agus Sam eile ag teacht chun cinn i spórt na hÉireann.
Tá Sam Prendergast ag dul i bhfeidhm ar a chomhimreoirí, na tráchtairí spóirt, agus níos tábhachtaí fós, imreoirí an fhreasúra.
Agus taobh leis i gcónaí feictear a chailín Anna Walsh, a rinne ceiliúradh leis ar bhua na hÉireann 18-32 ar Albain Dé Domhnaigh, i gcluiche na Sé Náisiún ag Murrayfield in Albain.
Agus é mar Imreoir an Chluiche, bhí ról lárnach ag Prendergast i mbua na hÉireann agus rinne Anna comhghairdeas leis tar éis an chluiche.
Roinn an lánúin nóiméad bródúil le chéile ar an dtaobhlíneleis an lucht leanúna.
Coinníonn Anna a caidreamh le Sam sách príobháideach.
Oibríonn sí i gcaidreamh poiblí (PR) agus fuair sí céim bhaitsiléara sna hEolaíochtaí Sóisialta le déanaí.
Chuaigh an lánúin go hoifigiúil ar Instagram lena rómánsaíocht i mí an Mhárta 2022.
Cé nár roinn Sam go poiblí an chaoi ar bhuail siad le chéile, chuir sé spléachadh ar a gcaidreamh ar na meáin shóisialta.
Chuir sé tús lena ghairm bheatha idirnáisiúnta do na hÉireannaigh faoi 20 bliain d’aois i 2022.
D’aithin BBC Sport é níos déanaí mar cheann de na réaltaí i gcomórtas faoi-20 na Sé Náisiún 2023.
Roghnaíodh é do scuad na Sé Náisiún 2024 mar bhall den phainéal traenála. Níor imir sé in aon cheann de na cluichí tástála le linn na craobhchomórtais ach bhí sé san áireamh sna campaí traenála.
Glaodh ar scuad sinsearach na hÉireann do chluichí idirnáisiúnta an Fhómhair 2024 é agus bhí sé ina chéad chluiche sinsir mar ionadaí sa dara leath do chluiche na hÉireann in aghaidh na hAirgintíne i mí na Samhna.
Anois tá bua eile á cheiliúradh aige mar Uimh. 10 ar fhoireann na hÉireann sna Sé Náisiún.
Agus táthar ag súil le i bhfad níos mó ó réalta óg rugbaí na hÉireann.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
