Tá sé ráite ag an Aire Dlí agus Cirt nua Jim O’Callaghan go gcaithfidh Gardaí imeacht óna deasca agus dul ar ais ag póilíniú ar na sráideanna.
D’fháiltigh comhaltaí den Gharda Síochána na tuairimí sin, atá níos láidre ná mar a bhí ráite ag an iar-aire dlí agus cirt, Helen McEntee.
Tá O’Callaghan tar éis éirí as a chuid oibre mar abhcóide sinsearach chun an post a dhéanamh.
D’iarr sé freisin ar ghardaí gan phoist ‘neamhghníomhach(sedentary)’ a ghlacadh i ngnólachtaí móra teicneolaíochta, atá ag iarraidh iad a phóitseáil, agus lean leis an bhfórsa le haghaidh ‘gairm bheatha spreagúil’.
‘Ba mhaith liom níos mó gardaí a fheiceáil amuigh ar na sráideanna. Níl mé ag iarraidh gardaí a fheiceáil in oifigí. Is cur amú acmhainní é gardaí a bheith i bhfostú in oifigí,’ a dúirt sé.
Dúirt sé go bhfuil sé ag iarraidh líon na nGardaí a mhéadú agus go bhfuil na tuairimí sin ardaithe aige leis an gCoimisinéir Drew Harris freisin.
De réir an Irish Daily Mail, dúirt Cumann Ionadaíochta an Gharda Síochána (GRA) gur maith an rud é sin a chloisteáil ón aire nua, ‘a thuigeann na fadhbanna atá ann’.
Bhí teannas idir an GRA agus Coimisinéir Harris, chomh maith leis an Aire McEntee. Deir an GRA go bhfuil obair dheasc ag coinneáil gardaí ar shiúl ó bheith ag obair i bpobail.
Faoi láthair tá díreach os cionn 14,000 ball de na gardaí, beagnach an líon céanna agus a bhí ag feidhmiú in 2009.
Tá 1,000 garda nua gach bhliain geallta sa Chlár Rialtais, sé sin 5,000 thar thréimhse an Rialtais, le feachtas earcaíochta (recruitment) nua ag tosú an mhí seo chugainn.
Mar sin féin, tá gealltanais den sórt sin tugtha roimhe seo.
D’admhaigh an tAire O’Callaghan gur gealltanas uaillmhianach é seo ach dúirt sé mura n-ardóidh na huimhreacha faoi 1,000 sa bhliain, go ndéanfaidh sé ‘bearta nuálacha’ a mheas.
Dúirt sé: ‘Níl dóthain gardaí againn anseo ar na sráideanna. Maidir leis an méid atá le rá ag an GRA, is léir go n-éistfidh mé i gcónaí leis na cumainn ionadaíocha.
‘Ach ar ndóigh, ní mór dúinn a bheith faoi cheangal freisin ag comhaontuithe pá na hearnála poiblí.
‘Ní féidir liom teacht amach, oiread agus ba mhaith liom, agus a rá gur mhaith liom an pá do chomhaltaí an Gharda Síochána a ardú. Tuigim go mbeidh éifeachtaí aige sin in áiteanna eile, ach is dóigh liom go gcaithfimid a aithint agus a aibhsiú gur post an-fhiúntach é.’
Ag freagairt do thuairimí an Aire, dúirt uachtarán GRA Mark O’Meara go bhfuil gardaí ag iarraidh dul i ngleic le fadhbanna coireachta, ach go bhfuil cosc orthu é sin a dhéanamh amhlaidh mar gheall ar an ualach teicneolaíochta atá mar chuid dá gcuid oibre faoi láthair.
Dúirt sé: ‘Is cúis áthais cinnte aire a bheith anseo a thuigeann a bhfuil á rá againn de réir dealraimh.
‘Táimid ceangailte i snaidhmeanna le teicneolaíocht agus cuireann sé sin isteach ar ár gcumas dul ar na sráideanna.’
Dúirt an tUasal O’Callaghan: ‘Tá éileamh ar dhaoine laistigh de na gardaí don earnáil phríobháideach, ach déarfainn le daoine atá le machnamh a dhéanamh air, mar b’fhéidir go bhfuil sé suimiúil a bheith ag obair i gcuideachta teicneolaíochta nó i bpost oifigí, ach gheobhaidh tú amach gur saol an-neamhghníomhach é.
‘Más mian leat saol spreagúil, más mian leat éagsúlacht a bheith agat i do shaol oibre, ba cheart duit smaoineamh ar phost laistigh den Gharda Síochána.’
Thug sé faoi deara gur tharraing feachtas earcaíochta na bliana seo caite beagnach 6,400 iarratas, trian díobh sin ón aoisghrúpa 35-49. Ba é sin an chéad uair a d’fhéadfadh daoine os cionn 35 bliain d’aois iarratas a dhéanamh.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
