Táthar ag súil go bhfaighidh bean Éireannach, Gail Slater, post sinsearach i rialtas Donald Trump

Seans go mbeidh Gail Slater, as Baile Átha Cliath, ag déanamh ionadaíochta ar son rialtas Mheiriceá in aghaidh cuid de chomhlachtaí móra an domhain ar nós Meta, Google agus Amazon

Tá an dlíodóir ó Bhaile Átha Cliath, Gail Slater, a bhain céim amach ó UCD, á bhreithniú do phost frith-thrusta (anti-trust) den scoth.

Thug Slater comhairle don chéad rialtas le Trump, ar pholasaí teicneolaíochta, agus anois táthar ag súil go bhfaighidh sí post níos tábhachtaí, dar leis an Irish Examiner.

Má dhéanann sí d’fhéadfadh sí a bheith ag tabhairt aghaidh ar chuid de na cuideachtaí is mó agus is cáiliúla ar domhan, thar ceann rialtas Mheiriceá.

Le linn a chéad uachtaránachta chuir feidhmithe frith-thrusta Trump tús le cásanna monaplachta i gcoinne Google agus Meta, agus tá na cásanna fós ag dul ar aghaidh.

Le déanaí thug oifigigh Biden gníomhartha i gcoinne Ticketmaster, Visa, Amazon.com agus Apple.

Tá Slater, a rinne staidéar ar Scoil an Dlí UCD, ina cúntóir do JD Vance, a bheidh ina Leas-Uachtarán nua.

Tá Slater, atá 52 bliain d’aois, á bhreithniú mar chomhairleoir don rialtas nua maidir le beartas frith-thrusta.

Cheana féin tá sí mar fhoireann Trump ar bheartas frith-thrusta agus ag déanamh liosta de na hiarrthóirí is fearr chun fónamh mar chathaoirleach ar an gCoimisiún Feidearálach Trádála (Federal Trade Commission).

Má fhaigheann sí an post beidh sí ag cuidiú le cinneadh a dhéanamh ar bheartas iomaíochta an rialtais nua, tar éis do riarachán Joe Biden rialuithe nua a thabhairt isteach ar chumaisc chun monaplachtaí a chosc.

Mar sin féin, tugadh isteach iad tar éis do Biden Lina Khan a cheapadh mar chathaoirleach ar an gCoimisiún Trádála Feidearálach.

D’ionsaigh ionadaithe ó ghnólachtaí móra Khan le linn an toghcháin agus ní fios cad a cheapann Trump faoi sin.

Tá céimeanna ag Slater ó UCD agus Ollscoil Oxford. Chaith sí 10 mbliana ag an gCoimisiún Trádála Feidearálach, lena n-áirítear mar chomhairleoir don iar-Choimisinéir Daonlathach Julie Brill i rialtas  Obama.

Bhog sí go dtí an Teach Bán le linn an chéad riarachán Trump mar chúntóir speisialta don uachtarán do bheartas eacnamaíoch le punann leathan a chuimsigh saincheisteanna teicneolaíochta, teileachumarsáide agus ceisteanna cíbear.

Fostaíodh Slater níos déanaí ag Fox agus Roku. Níos luaithe i mbliana, bhog sí chuig foireann Vance, ag tabhairt comhairle ar bheartas frith-thrusta agus eacnamaíoch.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil