Tá a héileamh ar dhamáistí caillte ag bean a bhris uillinn nuair a thit sí thar chábla leictreachais ag páirc carbhán.
Dúirt Noreen Scanlon, atá 56 bliain d’aois, gur ag úinéir na páirce carbhán, Michael McDonnell a bhí an milleán.
Tá McDonnell ag trádáil mar The Woodlands Caravan and Camping Park i dTrá Lí, Contae Chiarraí.
Dúirt an Breitheamh Paul Coffey gur de bharr a ‘momentary inadvertence’ féin a tharla an titim, agus cé go raibh sé báúil (sympathetic) léi, nach bhféadfadh sé a rialú gur sárú ar dhualgas cúraim na páirce ba chúis leis an timpiste.
Is rialú Ard-Chúirte a bhí i gceist, rialú a tugadh níos luaithe i mbliana, ar Chuaird an Iardheiscirt (Southwestern Circuit), agus a d’fhoilsigh an tSeirbhís Chúirteanna an tseachtain seo caite.
Dúirt an breitheamh: ‘Má shocraíonn cuairteoirí a gcarbhán tríd a gcábla a nascadh le post seirbhísí, ní mór dóibh a bheith cúramach agus iad ag plé leis an bpost seirbhísí, ionas nach dtitfidh siad thar a gcábla féin.’
Dúirt sé go bheidís ar eolas faoin láithreacht agus an suíomh ina iomláine.
Tharla an timpiste ar an 14 Iúil 2018, agus mar thoradh ar sin bhris Bean Scanlon a huillinne clé agus gortaíodh a hordóg chlé.
Dúirt an breitheamh go bhfuair sí féin agus a fear céile carbhán i 2010 agus gur fhan siad i bpáirceanna carbhán ar fud na hÉireann ón am sin go dtí lá an eachtra.
D’fhan siad i bpáirc carbhán an chosantóra timpeall 20 uair idir 2011 agus 2018, agus bhí aithne mhaith acu ar a bhonneagar leictreachais, a dúirt sé.
Tógadh an pháirc i 1998 agus é deartha go proifisiúnta ag foireann innealtóirí creidiúnacha tar éis turas a rinne an tUasal McDonnell agus a ailtire (architect) go dtí iarthuaisceart na Fraince, chun dea-chleachtas a urramú sna páirceanna ansin.
Idir gach dhá áit do charbhán sa pháirc tá foinse soláthair leictreachais agus uisce, agus cheangail Fear Scanlon a gcarbhán leis an bpointe cumhachta 13m uaidh, a dúirt an breitheamh.
Bhí a fhios ag Bean Scanlon cá raibh an cábla nasctha agus, le flip-flops uirthi, shiúil sí go dtí an pointe soláthair chun a citeal a líonadh.
‘D’admhaigh an gearánaí (plaintiff), ina fianaise, go gcaithfidh gur sheas sí nó gur shiúil sí thar a cábla féin chun teacht ar an sconna uisce óna líon sí a citeal,’ a dúirt an breitheamh.
Dúirt sí, tar éis di an citeal a líonadh, gur thosaigh sí ag filleadh ar a carbhán agus gur thóg sí dhá chéim, b’fhéidir trí chéim, nuair a bhí a rúitín ar dheis gafa sa chábla agus thit sí.
Dúirt an Breitheamh Coffey, chun damáistí a fháil dá gortuithe, nach mór do Bhean Scanlon éagóir (wrongdoing) a bhunú agus mar sin dliteanas (liability) ar thaobh an chosantóra.
Dúirt an breitheamh nach bhféadfadh sé a chinneadh go bhféadfaí a chábla féin a mheas mar ‘chontúirt neamhghnách’, ach go raibh sé ina ghné choitianta in aon pháirc, ina ionad sin.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
