Tá sé ráite ag Pat Spillane go bhfuil íocaíochtaí rúnda le bainisteoirí agus cóitseálaithe imithe as smacht laistigh den CLG.
Cé nár labhraíodh faoi nó nár aithníodh go hoifigiúil é, tá sé ráite go minic go bhfuil an cleachtas seo ar siúl le fada an lá le clubanna agus le foirne idirchontae.
Déantar an t-ábhar a phlé thart ar an am seo den bhliain gach bliain mar gheall ar an mbabhta ceannais bainistíochta atá ag dul ar aghaidh ó tháinig deireadh leis an séasúr idirchontae.
Agus anois tá Pat Spillane ag labhairt amach faoi, agus tá sé ar buile.
Cé go bhfuil an CLG ceaptha a bheith ina chumann go hiomlán amaitéarach nuair a thagann sé go dtí imreoirí agus bainisteoirí na bhfoirne, creidtear go forleathan go bhfuil bainisteoirí á n-íoc, agus bíonn baill CLG ag ceistiú an bhfuil an eagraíocht amaitéarach fós.
Is ábhar imní é d’iarpheileadóir Chiarraí, Spillane.
Tá sé ráite aige gur fadhb thromchúiseach í an cheist don CLG ag gach leibhéal.
Ag scríobh ina cholún sa Sunday World, dúirt Spillane, a bhí ina thráchtaire ar RTÉ Sport freisin, go bhfuil luachanna CLG á ‘chreimeadh (eroded)’ ag an gcleachtas.
‘Tá íocaíochtaí le bainisteoirí club agus idirchontae imithe as smacht,’ a scríobh Spillane.
‘Is dócha nach bhfuil club nó bord contae sa tír seo nach bhfuil ciontach as íocaíocht mhídhleathach a thabhairt le bainisteoirí agus cóitseálaithe agus tá sé an-mhór ag leibhéal an chlub.
‘Tá sé ag cur as do chlubanna agus ag cur a dtodhchaí i gcontúirt,’ a dúirt sé.
‘Tá na ceannairí ar an CLG ag leanúint ar aghaidh ag rá “platitudes” cráifeacha, ach níl siad sásta faic a dhéanamh faoi,’ a dúirt Spillane go feargach.
‘Tá an t-oibrí deonach a bhí mar lárionad an chomhlachais ag éirí ina speiceas i mbaol, go háirithe maidir le foirne a oiliúint agus a bhainistiú.’
Agus nuair a thagann sé chun an fhadhb a réiteach, creideann Spillane go bhfuil ‘réiteach simplí’ ann a d’fhéadfadh an scéal a chur ina cheart.
‘Cuir teorainn le líon na gclubanna agus chontaetha atá páirteach sna foirne bainistíochta,’ a dúirt sé.
‘Ach níos tábhachtaí fós, cad faoi shrian a chur ar bhainisteoirí agus ar chóitseálaithe chuig daoine óna gclub féin agus óna gcontae féin?’ a dúirt Spillane.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
