Oíche a bhí ann do Joe Biden agus do na Clintons. Ach oíche de shonas agus brón a bhí ann freisin. Bhí siad á cheiliúradh as a n-imeacht.
Ag Coinbhinsiún Náisiúnta na Daonlathach i Chicago, oíche Dé Luain, bhí Joe Biden ann chun Kamala Harris a mholadh – agus, is dócha, slán a fhágáil leo, mar a thuairiscigh an New York Times.
Taobh istigh, bhí na Daonlathaigh ag ceiliúradh ‘dóchas’ agus ‘daonlathas’ agus ‘comhbhá (compassion)’ ag teacht ar ais.
Taobh amuigh, throid lucht agóide leis na póilíní mar gheall ar na billiúin dollar arm atá á thabhairt ag Meiriceánaigh chun cabhrú le hIosrael ionsaí a dhéanamh ar mhná agus ar leanaí na Palaistíne ina dtithe agus ina n-ospidéil agus ina scoileanna.
Bhí deora i súile Joe Biden agus i súile go leor Daonlathach sa lucht féachana nuair a dúirt sé ‘Rinne mé mo dhícheall ar bhur son’.
Bhí siad ag canadh ‘Go raibh maith agat, a Joe’, ag bualadh bos ghlórach agus ina seasamh le meas do Bhiden – ach bhí siad buíoch as a chinneadh imeacht.
Do na mílte duine in Éirinn a tháinig chun fáilte a chur roimh ‘Mayo Joe’ nuair a tháinig sé anseo, bhí brón agus fearg mar gheall ar a thacaíocht mhíleata do chogadh Iosrael i nGaza.
Mar sin féin, bhí cuid de na ráitis de chuid Joe Biden ionraic, nuair a thug sé an cheannaireacht go hoifigiúil do Kamala Harris.
‘Rinne mé go leor botúin i mo ghairm bheatha, ach rinne mé mo dhícheall ar bhur son,’ a dúirt Biden.
‘Le 50 bliain, cosúil le go leor agaibh, bhí mo chroí agus m’anam tugtha agam dár náisiún agus bhí mé beannaithe, milliún uair as sin, le tacaíocht mhuintir Mheiriceá.’
Léirigh óráid Biden, agus an ceann le Hillary Clinton freisin, an chaoi atá na Daonlathaigh ag fágáil taobh thiar, na ceannairí a rialaigh a bpáirtí le blianta fada, de réir an Times.
Is cuid de sheanshaol na deighilte agus na feirge iad – in éineacht le Donald Trump. Ba é sin an teachtaireacht.
Is cuid de shaol nua í Kamala Harris. Óga agus comhbhách. Agus muiníneach.
‘Lig dúinn troid ar son na n-idéal atá againn, agus cuimhnigh orainn i gcónaí: Nuair a throidimid, buailimid,’ a dúirt Kamala Harris leis an slua.
‘Let us fight for the ideals we hold dear, and let us always remember: When we fight, we win.’
Mar sin féin, lasmuigh de réimse an choinbhinsiúin ar an gcéad lá den Choinbhinsiún Náisiúnta Daonlathach, throid lucht agóide i gcoinne an chogaidh i Gaza leis na póilíní.
Agus istigh ann, d’éiligh na Daonlathaigh, a chuir i gcoinne na n-ionsaithe ar Gaza, go ndearna siad dul chun cinn suntasach, de réir an Times.
Bhí plé ann, le tacaíocht ó fheachtas Harris, a leag béim ar an damáiste a bhí ann mar gheall ar fheachtas míleata Iosrael i nGaza.
Ba é seo an chéad uair le scór bliain a thug an Páirtí Daonlathach ardán don argóint ar son na Palaistíne.
I dtír ina dtugtar ‘frith-Sermites’ orthu siúd a chuireann i gcoinne na n-ionsaithe ar na Palaistínigh b’fhéidir gur bogadh chun cinn a bhí ann.
Bhí toscairí ann a rinne ionadaíocht ar lucht tacaíochta Daonlathach a dhiúltaigh tacaíocht a thabhairt don Uachtarán Biden, mar gheall ar a thacaíocht d’Iosrael. Agus bhí siad ag iarraidh sliotán cainte i gcroílár an choinbhinsiúin.
Ní bhfuair siad é sin agus dúirt siad nach bhféadfaidís tacú le Harris mura ndeachaigh sí níos faide ná díreach ag tacú le sos cogaidh.
Sa deireadh tá Harris ag iarraidh go mbeidh Meiriceá ina tír níos cineálta (kinder) agus níos binne (gentler) ná mar a theastaíonn ó Trump agus a lucht tacaíochta.
Ach meabhraíodh dúinn an líne san amhrán íorónta de chuid Neil Young, Keep on Rockin’ in the Free World:
‘We got a kinder, gentler,
Machine gun hand.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
