Le pictiúir: Tá grá nua ag réalta rugbaí na hÉireann Jack Crowley

Tá pictiúir de féin á dtaispeáint ag Jack Crowley, ag ligean a scíth sa ghrian leis an ngrá nua ina shaol, tar éis chamchuairt rugbaí an tsamhraidh

Tá sé oifigiúil, a mhná! Níl Jack Crowley singil a thuilleadh. Tá caidreamh nua aimsithe ag an imreoir rugbaí, a imríonn d’Éirinn agus do Chúige Mumhan araon.

Agus tharla sé díreach cúig mhí tar éis do Jessica O’Mahony a dhearbhú don náisiún go raibh a cara singil.

Tar éis chamchuairt samhraidh fhoireann rugbaí na hÉireann san Afraic Theas, d’eitil Jack agus a pháirtí nua le chéile ar saoire ar feadh tamaill.

Ag roinnt pictiúir óna laethanta saoire, scríobh Jack: ‘Some good R&R.’

Is iad na radharcanna álainn sa ghrian atá sa ghrianghraif den chuid is mó, ach tá cuid acu ag taispeáint é féin ag baint suilt as a chuid ama saor.

Mar sin féin, thapaigh Crowley an deis freisin an domhan a chur ar an eolas faoina rómáns nua le Erin O’Connell.

Agus é sin déanta aige, d’fhág a chomhimreoir Tadhg Beirne emoji roicéad i dtuairimí an phoist.

Feictear Erin, a bhfuil beagnach 3,000 leantóir aici ar Instagram, ag fáil dath na gréine ar thuras báid i bpictiúr amháin.

Agus i bpictiúr eile tá sí le feiceáil ag amharc amach ar an nglaslann álainn agus í féin agus Crowley ag ullmhú chun taitneamh a bhaint as oíche amuigh.

Roinn a grá nua pictiúr di freisin ar na meáin shóisialta níos luaithe an mhí seo.

Thaispeáin an ceann sin dóibh ar dháta dinnéir agus buidéal fíona dearg á shaothrú acu.

Is cosúil gurb é samhradh an ghrá é d’fhoireann rugbaí na hÉireann, mar thug comhghleacaí Jack, Caelan Doris, a chailín nua Faye Richardson chuig an Leinster Rugby Awards Ball i mí an Mheithimh.

N’fheadar an raibh baint ag Ms Cupid í féin, Jessica O’Mahony, le ceachtar den dá chaidreamh.

I mí an Mhárta, roinn Jess pictiúr le Jack, ag rá go bhfuil ‘fear breá ar fáil’.

Bhí sí ag cur in iúl do dhaoine go raibh sé singil agus réidh le meascadh.

Bhí a fhios againn, ar ndóigh, nach mbeadh sé singil i bhfad níos faide, a bhuíochas le Jess.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil