Holy Moses! Tá na Deich nAitheanta (Ten Commandments) ar ais, de réir  reachtaíocht nua i Meiriceá – mar sin cé mhéad acu atá ar eolas agat?

29/06/2024

Deir Gobharnóir Louisiana nach mór dúinn meas a bheith againn ar Moses, an ‘chéad bhronntóir dlí’ leis na Deich nAitheanta agus dlí nua

Tá dlí tugtha isteach ag stát i Meiriceá ag rá nach mór na Deich nAitheanta a chur ar taispeáint i ngach scoil phoiblí agus i halla léachta na hollscoile – agus tá níos mó le teacht.

Thug gobharnóir Poblachtach Louisiana Jeff Landry an dlí isteach cé go ndúirt saineolaithe dlí leis go bhféadfadh an Bille a bheith mídhleathach.

D’éirigh grúpaí saoirsí sibhialta níos buartha fós faoin mBille nua, nuair a dúirt an gobharnóir leo nach raibh na Deich nAitheanta mar chuid de rialacha reiligiúin amháin.

Dúirt sé go bhfuil níos mó tábhacht ag baint leo i dtaobh an dlí.

Dúirt sé gur ‘doiciméid bhunúsacha dár rialtas stáit agus náisiúnta’ a bhí iontu.

Gobharnóir Louisiana Jeff Landry agus na Deich nÁitheanta
Gobharnóir Louisiana Jeff Landry agus na Deich nÁitheanta

‘Más mian leat meas a bheith agat ar an dlí,’ ar seisean, ‘ní foláir duit tosú leis an gcéad dhéantóir dlí, Moses.’

Gheall cáinteoirí, lena n-áirítear Aontas Saoirsí Sibhialta Mheiriceá (American Civil Liberties Union) agus an Fhondúireacht um Shaoráil Ó Reiligiúin (Freedom From Religion Foundation), troid dhlíthiúil i gcoinne an dlí, a mheas siad a bheith ‘neamhbhunreachtúil go follasach’.

Ach ag tiomsú airgid Poblachtach i Nashville, dúirt an tUasal Landry: ‘Táim ag tnúth le cás cúirte faoi seo.’

Tá an reachtaíocht mar chuid d’fheachtas níos leithne ag grúpaí coimeádacha Críostaí atá ag iarraidh a chuid smaointe reiligiúnacha a chur chun cinn go poiblí.

Ba mhaith leo cásanna cúirte a spreagadh, a d’fhéadfadh dul go dtí an gCúirt Uachtarach, áit a mbíonn siad ag súil le fáiltiú níos cairdiúla ná mar a bhí roimhe seo.

Agus deir an Bille nach mór na Deich nAitheanta a bheith ar thaispeántas ar póstaer mór lena litreacha i ‘cló mór, atá furasta a léamh’.

Agus beidh siad i ngach seomra ranga phoiblí, ó kindergarten go hollscoileanna stát-mhaoinithe.

Chomh maith leis na Deich nAitheanta beidh ráiteas ag na póstaeir ag cur síos ar an gcaoi a raibh na Deich nAitheanta ‘mar chuid shuntasach d’oideachas poiblí Mheiriceá le beagnach trí chéad bliain’.

Agus caithfidh siad a bheith ann faoi thús na bliana seo chugainn.

ten 2 feat

Na Deich nAitheanta

1. Is mise an Tiarna bhur nDia; ní bheidh déithe eile agat romham.

2. Ní ghlacfaidh tú ainm an Tiarna do Dhia go neamhbhalbh.

3. Cuimhnigh Lá an Tiarna a choinneáil naofa.

4. Tabhair onóir do d’athair agus do do mháthair.

5. Ní mharóidh tú.

6. Ní dhéanfaidh tú adhaltranas.

7. Ní ghoidfidh tú.

8. Ní dhéanfaidh tú finné bréagach i gcoinne do chomharsa.

9. Ná santaigh (covet) bean do chomharsan.

10. Ní santaigh (covet) cuid do chomharsan.


Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie


Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil

RFailtelogo 1
rnaglogo2 1
TG4logo 2
RnaLlogo 4

Comhroinn Anois

Léigh Níos Mó

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram