D’fhógair captaen Chiarraí Séamus Moynihan go bhfuil an ‘fhíorpheil ag teacht anois’ – agus ceithre chluiche móra an CLG ar siúl thar an deireadh seachtaine.
Bhí cáineadh an chórais ‘round robin’ chomh coitianta sin gur labhair fiú uachtarán an CLG, Jarlath Burns, faoi é a athrú.
Dúirt Burns nach raibh go leor ‘jeopardy’ sna cluichí sin mar go bhféadfadh foirne dul tríd tar éis roinnt cluichí a chailleadh.
Mar sin féin, anois cuirfear tús leis an bpeil CLG dáiríre chun ‘Sam’ a bhuachan, dar le Moynihan, atá ina bhuaiteoir Chraobh na hÉireann cheana féin.
‘Tá mé ag súil go mór leis na cluichí ceathrú ceannais mar tá an gunna go dtí an cloigeann anois agus tá deireadh leis an scáthdhornálaíocht (shadow-boxing),’ a dúirt Moynihan.
‘An babhta grúpa, le trí fhoireann ag teacht amach as, Ní maith liom é sin,’ a dúirt sé.
‘Tá sé ró-éasca teacht amach. Is cinnte go raibh titim ann i ndiaidh na gcraobhchomórtas cúige, rud a bhí an-suimiúil mar tá gach duine ag iarraidh a bhuachan.
‘Ach is “damp squib” a bhí ann. Is beag cluichí a bhain mé an-sult as.
‘Le dhá fhoireann ag teach as an ngrúpa bheadh na cluichí níos iomaíche.’
Roghnaíodh Ciarraí, sa tarraingt, le himirt i gcoinne Seaimpíní na Sraithe, Doire, i gcluiche ceathrú ceannais Chraobh Shinsir Peile na hÉireann.
Agus é ag caint faoin gcluiche a mbeidh ag Ciarraí ag an deireadh seachtaine, dúirt sé: ‘Beidh sé seo ina thástáil fíor-mhaith.
‘Bhí fadhbanna ag Doire ag dul tríd an ngrúpa ach d’fheicfeá san am breise – d’éirigh leo comhscór a fháil in aghaidh Mhaigh Eo – b’iadsan an fhoireann ab fhearr.
‘Beidh siad ag dul go Páirc an Chrócaigh thar a bheith aontaithe agus muiníneach.’
Glacadh go forleathan le gné amháin de pheil CLG na bliana seo; imríodh níos mó de na cluichí móra sna staideanna timpeall na tíre in ionad i bPáirc an Chrócaigh.
Imreofar na cluichí ar fad sna cluichí ceathrú ceannais an deireadh seachtaine seo, áfach, agus is i bPáirc an Chrócaigh a bheidh siad ar fad.
Beidh an cluiche idir Ciarraí agus Doire mar phríomhchluiche tráthnóna Dé Domhnaigh, 3.15pm – agus Dún na nGall ag imirt in aghaidh Lú ag 1.15pm.
Ar oíche Dé Sathairn, imreoidh na seaimpíní Áth Cliath in aghaidh sheaimpíní Chonnacht, Gaillimh, ag 6.15pm, agus imreoidh Ard Mhacha in aghaidh Ros Comáin ag 4pm.
B’fhéidir go mbeidh roinnt cáinte ag teacht freisin mar, cé gur ar RTÉ a bheidh na cluichí Dé Domhnaigh, is ar GAAGO a bheidh na cluichí Dé Sathairn.
Imreofar na ceithre chluiche CLG ar fad an deireadh seachtaine seo i bPáirc an Chrócaigh
Dé Sathairn
Baile Áth Cliath v Gaillimh, 6.15pm – GAAGO
Ard Mhacha v Ros Comáin, 4pm – GAAGO
Dé Domhnaigh
Ciarraí v Doire, 3.15pm – RTÉ
Dún na nGall v Lú, 1.15pm – RTÉ
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
