Táthar ag súil le hathrú mór sa Rialtas an tseachtain seo mar go bhfuil ar an Tánaiste Micheál Martin cinneadh a dhéanamh cé a bheidh mar chéad Choimisinéir Eorpach nua againn.
Is ó airí Fhianna Fáil sa Rialtas a thiocfaidh sé.
Deis ardú céime a bheidh anseo do roinnt airí – ach is dócha gur borradh don Ghaeilge a bheidh ann freisin.
Tá ceannairí an AE le teacht le chéile ar Dé hAoine le haghaidh cruinniú tábhachtach.
Is é sin le socrú cé a gheobhaidh cén post mar Choimisinéir AE.
Beidh Coimisinéir nua ag gach stát san Aontas Eorpach ach tá cúpla post fíor-thábhachtach ar fáil.
Ar an ábhar sin tá sé tábhachtach d’Éirinn ainmniúchán a chur isteach go luath, agus duine sinsearach a ainmniú, arb eol dó post maith a dhéanamh roimhe seo.
Dúirt foinse amháin de chuid an Rialtas: ‘Tá cruinniú ríthábhachtach de Chomhairle an AE Dé hAoine seo chugainn chun cinneadh a dhéanamh faoin gcéad uachtarán eile ar an AE.
‘Déanfaidh na ceannairí a gcuid moltaí maidir le Ursuala Von Der Leyen [Uachtarán reatha an Choimisiúin Eorpaigh] a choinneáil nó gan a choinneáil. Bheadh sé go maith dá mbeadh ár rogha sa pháirc faoin bpointe sin.’
Tá glactha ag ceannaire Fhine Gael, An Taoiseach Simon Harris, gurb iad Fianna Fáil a roghnóidh an chéad Choimisinéir eile.
Táthar ag súil anois go bhfaighidh an tAire Airgeadais Michael McGrath an post.
Dúirt foinse amháin de chuid Fhianna Fáil: ‘Tá an CV maidir le bheith mar Aire Airgeadais don gheilleagar (economy) is rathúla san Eoraip suntasach maidir le punanna (portfolio) na gcoimisinéirí, cé gurbh fhearr bean a bheith ann.’
Ach níl sé sin cinnte. Laistigh d’Fhianna Fáil, is é an tUasal McGrath is ansa leis fós, ach níl an tAire Talmhaíochta Charlie McConalogue gan áireamh.
Dúirt foinse: ‘Tá breis fuinneamh ag Micheál Martin tar éis na dtoghchán áitiúil agus beidh sé sin ina fhachtóir ríthábhachtach in aon chinneadh faoi McGrath a roghnú.’
Agus dúirt foinse eile: ‘Ba é McGrath an comharba ainmnithe (designated successor) mar cheannaire, ach b’fhéidir nach bhfuil pleananna ag Martin an post sin a fhágáil go ceann tamaill.
‘Fear óg é Micheál. Tá sé 63 bliain d’aois, téann siad ar aghaidh go dtí seachtóidí na laethanta seo.’
Ciallaíonn sé sin go gcaithfidh Martin aire airgeadais nua a aimsiú agus ceann a thabharfaidh isteach buiséad toghcháin i gceann cúpla mí.
Táthar ag súil anois go dtiocfaidh an Aire Tithíocht Darragh O’Brien in áit Michael McGrath dá roghnódh an tAire Airgeadais reatha dul go dtí an Eoraip.
Tá fadhb amháin le sin mar chuir an stíl pholaitiúil ghiorraisc (blunt) atá ag O’Brien imní ar chomhghleacaithe áirithe i bhFianna Fáil.
Mar sin féin, dúirt foinse amháin de chuid Fhianna Fáil: ‘Le cothrom na féinne a thabhairt d’O’Brien, tá an Tithíocht tar éis an chúinne a bhaint amach.
‘B’fhéidir go bhfuil an chuma air go bhfuil sé i riocht neamheagraithe, ach is é fírinne an scéil go bhfuilimid ag tógáil tithe le Darragh.’
Agus má n-aistreoidh an tAire Tithíochta go dtí an Roinn Airgeadais, meastar go dtiocfaidh an tAire Sóisearach Iompair Jack Chambers in áit O’Brien.
Dúirt foinse: ‘Bhí sé thar a bheith suntasach gur ceapadh Jack mar leas-cheannaire.’
Bhí Chambers ina stiúrthóir toghcháin d’Fhianna Fáil don fheachtas toghcháin áitiúil, agus tá an páirtí thar a bheith sásta leis an toradh.
Táthar ag tuar freisin go bhfuil Jack Chambers chomh hiontach sin go bhféadfaí sé ardú céime a fháil ó bheith ina aire sóisearach isteach sa phost is tábhachtaí sa Chomh-Aireacht – Airgeadas.
Bheadh sé sin an-neamhghnách ach más é O’Brien nó McGrath atá ann is dea-scéala é don Ghaeilge mar bíonn O’Brien agus Chambers – chomh maith leis an Tánaiste – le cloisteáil ag labhairt Gaeilge go rialta ar na meáin chumarsáide agus tá Chambers ina iar-Aire Gaeltachta agus Gaeilge.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
