Níor admhaigh Cathal Crotty, an saighdiúir a rinne ionsaí brúidiúil ar Natasha O’Brien óg, a chiontacht go dtí go bhfuair Gardaí fianaise láidir go raibh sé ciontach.
Fuair garda imscrúdaithe fianaise ó Snapchat ar an ionsaí, a d’fhág Ms O’Brien gan aithne (unconscious), de réir an Irish Mail on Sunday.
Léiríonn tuairisc sa nuachtán an iarracht a rinne na gardaí ciontacht Cathal Crotty a chruthú.
Dúirt foinsí go raibh na gardaí croíbhriste nuair a chuir an breitheamh pianbhreith Crotty ar fionraí, agus go ndearna siad sár-obair chun a chruthú go raibh sé ciontach.
Agus tá fearg an phobail fós ann freisin, mar gheall ar an gcinneadh cead a thabhairt don saighdiúir siúl saor ón gcúirt.
Gearradh téarma trí bliana ar fionraí ar Crotty, atá 22 bliain d’aois, as Parkroe Heights, Ard na Croise, Co. an Chláir, as an ionsaí brúidiúil ar Natasha O’Brien.
Chualathas i dtriail Crotty, ag Cúirt Choiriúil Luimnigh, gur sheol sé teachtaireacht chuig cairde dhá uair an chloig tar éis an ionsaithe ag rá: ‘Dhá cheann chun í a chur síos, dhá cheann chun í a chur amach.’
Tá Crotty ina bhall d’Óglaigh na hÉireann, ach tá cinneadh á dhéanamh ag an Arm faoi é a cur amach.
Shéan sé ar dtús ionsaí a dhéanamh ar Ms O’Brien, atá 24 bliain d’aois, thart ar 1.30rn ar an 29 Bealtaine 2022 i gCathair Luimnigh.
Rinne sé iarracht fiú a éileamh gur bhuail a íospartach é ar dtús.
I ndiaidh an ionsaithe, d’aimsigh an Garda pobail áitiúil (local community garda), Brian Carroll, ‘T-léine bán ar leith’ a bhí á chaitheamh ag Crotty oíche an ionsaithe.
Tháinig sé ar an T-léine tar éis dó barántas (warrant) a fháil chun teach a mhuintire a chuardach.
Dúirt foinse, a bhfuil aithne acu ar an imscrúdú: ‘Fuair an garda imscrúdaithe barántas… agus d’aimsigh sé an T-léine agus mheaitseáil sé é leis an scannán CCTV den ionsaí.
‘Chuaigh sé seo go léir in aghaidh cuntas tosaigh Crotty,’ a dúirt an fhoinse, de réir an Irish Mail on Sunday.
Fuair an Garda Carroll teachtaireacht thábhachtach Snapchat freisin, a bhí ríthábhachtach chun a chiontacht a dhearbhú (prove).
Bhí teachtaireacht Crotty – ‘Dhá cheann chun í a chur síos, dhá cheann chun í a chur amach’ – imithe i léig tar éis í a sheoladh, mar a tharlaíonn le gach teachtaireacht ar Snapchat.
Mar sin féin, d’aithin an Garda Carroll cuntas Crotty ar Snapchat, d’iarr sé orthu é a chaomhnú (preserve) agus d’eisigh sé iarratais chuig Snapchat sna Stáit Aontaithe.
‘Sin mar a fuarthas an teachtaireacht ríthábhachtach sin ar ais,’ a dúirt an fhoinse.
Dúirt an fhoinse: ‘Nuair a cheistigh gardaí cur síos Crotty – leis an CCTV ar an ionsaí, an T-léine bán céanna agus an fhianaise Snapchat – ba é an t-aon rogha a bhí aige ná é a admháil.’
Ar a laghad, ba é an fhianaise sin a shábháil O’Brien ó ‘páirt a ghlacadh i ‘identification parade’ chun é a aithint.
Stórálann Snapchat teachtaireachtaí cé go bhfuil siad imithe ó scáileáin – agus is féidir iad a aisghabháil má iarrann na póilíní orthu.
Ag éisteacht na pianbhreithe (sentencing hearing), Déardaoin na seachtaine seo caite, dúirt an Breitheamh Tom O’Donnell nach raibh ‘aon chreidiúint’ tuillte ag Crotty as iarracht a dhéanamh, ar dtús, an milleán a chur ar Ms O’Brien, ach dúirt sé go gcaithfí ‘creidiúint a thabhairt’ dó as pléadáil ciontach.
Spreag tuairimí an bhreithimh agus an phianbhreith thrócaireach (lenient) a tugadh do Crotty na hagóidí feargacha ón íospartach agus ón bpobal, a lean ar aghaidh le roinnt laethanta.
Spreag an cás agóidí i Luimneach, Baile Átha Cliath, Corcaigh agus Gaillimh Dé Sathairn.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
