Gabhadh seachtar de lucht leanúna sacair Dé Domhnaigh tar éis troideanna foréigneacha idir lucht tacaíochta Shasana agus na Seirbia roimh a gcéad chluiche Euro 2024.
Dúirt póilíní gurbh iad lucht leanúna Shasana na daoine a chuir tús leis an trioblóid.
Thaispeáin píosaí scannáin mórán lucht leanúna – cuid acu faoi chumhdach (masked) – ag caitheamh cathaoireacha ar a chéile in ionsaí lasmuigh de bhialann inar bhailigh na Seirbiaigh.
Dúirt finné (witness) gur shiúil an slua ó chrosbhealach ina raibh na céadta Sasanach i Gelsenkirchen.
Bhog na póilíní isteach nuair a thosaigh trioblóid díreach tar éis 3.30pm am áitiúil.
Dúirt oibrí ag an Hirt Steakhouse go raibh lucht leanúna Shasana gafa san fhoréigean.
Bhí Larry, a thagann as iarthar Londain, ag ól taobh amuigh den bhialann tráth an ionsaithe.
Dúirt sé gur rith grúpa fear – cuid acu i maisc – ‘timpeall an choirnéil agus thosaigh siad ag caitheamh buidéil’.
Dúirt sé: ‘Rith mé agus an chéad rud eile a chonaic mé ná na boird á mbriseadh agus cathaoireacha á gcaitheamh’.
Dúirt a chara, nár theastaigh uaidh a ainm a thabhairt: ‘Bhí sé réamhbheartaithe. Chaith siad buidéil.’
I bhfíseáin ar na meáin shóisialta, bhí gloine le cloisteáil á smideadh agus na póilíní ag rith síos sráid i lár an bhaile.
Thaispeáin gearrthóg (clip) amháin roinnt dosaen de lucht leanúna ag caitheamh cathaoireacha agus táblaí bialainne ar a chéile sular theith grúpa amháin agus an grúpa eile ag dul ar thóir.
Chuaigh na póilíní sa tóir freisin agus stop siad troid a d’fhág roinnt lucht leanúna le fuil ag stealladh óna n-aghaidheanna.
D’fhéadfaí fear amháin a fheiceáil ar an talamh, á chiceáil ag iomaitheoirí sula ndearna na póilíní idirghabháil.
Tháinig na póilíní ar an láthair laistigh de nóiméad agus chuir siad iachall orthu siúd a bhí fós ann, dul laistigh den teach stéig (steakhouse).
Ansin timpeallaigh siad an bhialann go tapa le veaineanna póilíní ag blocáil gach ceann den tsráid.
Dúirt máthair agus mac a bhí ag baint taitnimh as a ngnáthamh Dé Domhnaigh de chaife agus cáca ag an Café Pabot, os comhair an Hirt Steakhouse, go raibh siad ar an gcéad urlár nuair a thosaíodh ar phíosaí bia agus buidéil a chaitheamh go tobann.
Bhuaigh Sasana a gcéad chluiche le cúl amháin ó réalta óg Real Madrid Jude Bellingham. Dúirt tráchtairí sacair, áfach, go raibh siad lag agus an t-ádh orthu an bua a fháil tar éis dúshlán láidir ón tSeirbia.
Thosaigh an foréigean i Gelsenkirchen i ndiaidh do phóilíní armtha na Gearmáine fear a bhí ag iompar tua (axe) a lámhaigh in aice le limistéar lucht leanúna Ollannach i Hamburg.
Tháinig lucht leanúna na hÍsiltíre le chéile sa chathair roimh bhua 2-1 a bhfoirne in aghaidh na Polainne.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
