Mar a deir an t-amhrán, nuair a bhíonn an bua agat bíonn gach éinne ar do thaobh – ní hé sin mar a smaoiníonn Lee Keegan, tá súil againn.
Mar sin féin, ní aon chompord é sin do pheileadóirí Dhoire.
Tá sé ráite ag Keegan go bhféadfadh trioblóidí Doire ar an bpáirc a bheith ag teacht as ‘ceisteanna easpa smachta’ na n-imreoirí.
Deir an t-iar-réalta peile Mhaigh Eo go bhfuil ‘droch-smacht’ na n-imreoirí ag cur isteach orthu.
Ní chuirfidh imreoirí Dhoire, a mbeidh cluiche an-tábhachtach acu in aghaidh na hIarmhí an deireadh seachtaine seo chugainn, fáilte roimh na tuairimí is déanaí faoina bhfeidhmíocht.
Cheana féin tá ceist curtha ag a mbainisteoir Micky Harte faoina ullmhacht mheabhrach (mental readiness) agus tá ceistiú déanta ag Joe Brolly ar an chaoi atá siad socraithe.
D’fhéadfadh siad craobhchomórtas peile na hÉireann a fhágáil mura mbíonn an bua acu sa chluiche sin.
Chaill siad in aghaidh na Gaillimhe agus an deireadh seachtaine seo caite bhí an bua ag Ard Mhacha orthu le 15 pointe.
Cuirfidh aon rud eile seachas bua in aghaidh na hIarmhí iad as an áireamh le haghaidh Sam i mbliana.
Mar sin b’fhearr leo gan déileáil leis an diúltachas seo go léir freisin.
Bhí imreoirí curtha as an pháirc ag Doire sa dá chluiche grúpa.
Taispeánadh cárta dearg do Gareth McKinless mar gheall ar stampa ar Damian Comer in aghaidh na Gaillimhe; agus tugadh cárta dearg do Ciaran McFaul sa chluiche in aghaidh Ard Mhacha.
Anois, tá sé ráite ag Keegan gur comhartha ar cheisteanna níos doimhne laistigh den seomra feistis iad na heachtraí sin.
‘Ní cuimhin liom cluichí ag titim as a chéile chomh drámata in achar chomh gearr agus a chonaic muid ó Dhoire an séasúr seo,’ a scríobh Keegan ina cholún ar RTÉ.
‘Ba mhór an t-uafás é,’ a dúirt sé.
‘Ag an bpointe seo, caithfidh duine a cheistiú an bhfuil fadhbanna inmheánacha ann sa seomra feistis,’ a dúirt sé.
‘Chuaigh Ciarán McFaul anonn is anall ina iarracht imeacht as an gcluiche i mBóthar na Trá (Salthill),’ a dúirt Keegan, ag magadh.
‘D’éirigh leis dul as an bpáirc i seal gairid Dé Domhnaigh seo caite.’
Dúirt sé freisin: ‘Tá a fhios agam go raibh Mickey Harte ag gearán go raibh daoine ag cur isteach air ach ó thaobh Ard Mhacha de, cén fáth nach ndéanfá iarracht cuir isteach ar an bhfear seo?
‘Cuireann gach rud isteach air.’
‘Bhí cuma ann fiú go raibh Conor Glass ar buile ar an lá deiridh.’
B’fhéidir go bhfuil go leor eolas ag Keegan faoi chur isteach ar imreoirí agus iad ag iarraidh scóráil. Ach sin ceist eile.
Is í an cheist mhór do Dhoire ná an féidir leo an neart a léiriú dá lucht leanúna, a bhí acu, ní hamháin le linn na sraithe, ach le blianta beaga anuas.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
