Tá Colm Meaney mar Ian Bailey sa scannán nua bunaithe ar dhúnmharú Sophie Toscan du Plantier, Re-creation, a bheidh á stiúradh ag Jim Sheridan.
Fuair Bailey bás níos luaithe i mbliana ag 66 bliain d’aois tar éis dó cóireáil (treatment) a fháil le haghaidh taom croí (heart attack).
Gabhadh Bailey faoi dhó ag na Gardaí maidir leis an dúnmharú, ach scaoileadh saor é an dá uair mar gheall ar easpa fianaise (evidence).
Ciontaíodh é as láthair i bPáras i 2019, áfach, agus dhiúltaigh cúirteanna na hÉireann d’iarratais ar eiseachadadh (extradite).
Ar feadh a shaoil, shéan Bailey go raibh aon bhaint aige le bás Sophie Toscan du Plantier.
In éineacht le Colm Meaney i Re-creation, beidh réalta Love/Hate agus Game of Thrones Aidan Gillen curtha sa dráma freisin.
Breathnóidh an scannán siar ar dhúnmharú an léiritheora scannán agus teilifíse Francach i gCorcaigh i 1996.
Ceisteoidh an léiriúchán na himeachtaí de réir mar a tuairiscíodh iad agus ról Bailey agus na Gardaí ann.
Tharla sé beagnach 30 bliain ó shin agus úsáidfidh siad giúiré ficseanúil chun fíricí an cháis agus ról Bailey ann a phlé.
Dúirt Jim Sheriden go raibh ‘áthas air dhá réalta de chineama na hÉireann a bheith páirteach sa dráma.
Agus dúirt an comhstiúrthóir David Merriman: ‘Bhí Colm agus Aidan araon ina réalta i gcuid de na scannáin agus seónna is fearr liom.
‘Mar ealaíontóirí, ardaíonn an bheirt acu aon tionscadal, agus táimid chomh buíoch as iad a bheith ar bord.’
Bhí Aidan Gillen i Love/Hate agus Kin chomh maith le The Mayor Kingstown, The Wire agus Game of Thrones.
Bhí sé le feiceáil freisin in The Dark Knight Rises, Bohemian Rhapsody, Maze Runner agus, le déanaí bhí sé mar James Joyce in Dance First.
Is dócha go bhfuil aithne níos fearr ar Colm Meaney in Éirinn as a róil in The Van, The Commitments, War of the Buttons agus The Snapper, agus bhain sé clú idirnáisiúnta amach freisin mar gheall ar róil i leithéidí Under Siege, Con Air agus mar phríomhfheidhmeannach Miles O’ Brien in Star Trek: Deep Space Naoi.
Níos déanaí, bhí Colm feicthe ag lucht leanúna sa chlár Éireannach de It’s Always Sunny In Philadelphia, Marlowe agus In the Land of Saints and Sinners in éineacht le Liam Neeson.
Tuairisciú freisin go comhstiúrfaidh Sheridan dráma stairiúil ina n-inseofar an scéal uafásach faoi mar a caitheadh le Dúchasaigh Mheiriceá (Native Americans).
Rinne an stiúrthóir, a rugadh i mBaile Átha Cliath, an scannáin The Field freisin.
Comhstiúrfaidh sé, scríobhfaidh agus léireoidh sé an scannán dar teideal I Am A Man: The True Story of Chief Standing Bear.
Oibreoidh sé in éineacht le Andrew Troy, a rinne Salinger.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
