Imreoidh Gaillimh in aghaidh Dhoire Dé Sathairn agus beidh lucht leanúna na Gaillimhe ag iarraidh a fháil amach cá dtosóidh an captaen Seán Kelly.
Ag an am céanna beidh imní ar lucht leanúna Dhoire agus iad ag iarraidh a fháil amach an mbeidh a chúil á chosaint i gceart.
Ar cheart do Padraic Joyce, bhainisteoir na Gaillimhe, Kelly a bhaint den líne leath-tosaí – áit ar thosaigh sé i gcluiche ceannais Chonnacht in aghaidh Mhaigh Eo – agus é a thabhairt ar ais mar lánchúlaí?
D’fhéadfadh Kelly imirt áit ar bith, bíodh sé sin ina ionsaí nó ina chosaint.
Nuair a thug Gaillimh aghaidh ar Dhoire dhá bhliain ó shin, sa chath do Sam Maguire, ba é Damien Comer an laoch nuair a scóráil sé dhá chúil agus dhá chúilín.
Mar sin féin, tugadh faoi deara scileanna Kelly sa chluiche freisin.
Sa chluiche roimhe sin bhí 1-8 scóráilte ag Shane McGuigan ach tar éis dó iarracht a dhéanamh imirt in aghaidh Kelly ní bhfuair McGuigan ach trí phointe – agus dhá cheann acu ó chiceanna saora.
Idir an dá linn áitíonn cosantóir Dhoire, Pádraig McGrogan, nach dtréigfidh a fhoireann a mbeartaíocht ‘sweeper keeper’ in aghaidh na Gaillimhe.
Theip go dona ar ról Odhrán Lynch ag rith chun tosaigh i gcoinne Dhún na nGall an mhí seo caite.
Scóráladh trí cinn de na ceithre chúil ina gcoinne nuair a bhí Lynch as a chúl.
Ach dúirt McGrogan, nach n-imreoidh an chuid eile den séasúr toisc go bhfuil sé gortaithe, gur cheart do na himreoirí ar fad a bheith freagrach as sin.
Dúirt sé: ‘Ní mór dúinn oiriúnú (adapt), táimid ciallmhar go leor anois. Nuair nach raibh rudaí ag obair níor athraigh muid an tactic ar chor ar bith agus sin an fhadhb a bhí againn.’
Ní chreideann McGrogan go dtréigfidh Mickey Harte an cleachtas ach is dócha go mbeidh sé níos cúramaí faoin gcaoi a gcuirtear i bhfeidhm é.
Dúirt sé: ‘Tá go leor buntáistí ag baint leis nuair atá ag éirí go maith leis. Níl le déanamh againn ach cúpla rud a chur in oiriúint.’
Peil na bhFear Sinsear
An Clár v Corcaigh 6pm
Gaillimh v Doire 5.30pm – GAAGO
Maigh Eo v An Cabhán 5pm
Ciarraí v Muineachán 3pm – GAAGO
Iománaíocht Sinsear Laighean
Áth Cliath v Cill Chainnigh 6pm – GAAGO
Aontroim v Gaillimh 2pm
Cluiche Ceannais Peile Sinsear na mBan Mumhan
Corcaigh v Ciarraí 4pm – YouTube TG4
Iománaíocht Sinsear Mumhan
Tiobraid Árann v Corcaigh 4pm – RTE
An Clár v Port Láirge 2pm – RTE
Iománaíocht Sinsear Laighean
Ceatharlach v Loch Garman 3pm
Cluiche Ceannais Peile Faoi-20
Tír Eoghain v Ciarraí 1pm – TG4
Cluiche Ceannais Peile Sinsear na mBan Uladh
Ard Mhacha v Dún na nGall 3.30pm – YouTube TG4
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
