Tháinig deireadh leis an dara cluiche Luimnigh i gCraobh Iomána na Mumhan le bua – ach bhí gortú an-tromchúiseach ann don tosaí Peter Casey freisin.
Chuaigh an t-imreoir, ó chlub Na Piarsaigh, síos le gortú sa 54ú nóiméad den chluiche.
Bhí sé díreach tar éis dó an dara cúl do Luimneach a scóráil, agus iad i bhfad chun tosaigh ar Thiobraid Árann faoin am sin.
Agus 1-22 go 0-13 ar an scórchlár i bhfabhar Luimnigh, scóráil Casey cúl iontach ach chuaigh sé síos láithreach i bpian thromchúiseach.
Tháinig sé chun solais gur bhain sé briseadh suntasach thart ar limistéar an rúitín, agus d’fhreagair lucht leighis ag Páirc na nGael (Gaelic Grounds) láithreach trí theacht i gcabhair air le sínteán (stretcher).
Tar éis cúpla nóiméad cóir leighis a fháil ar an bpáirc, tugadh den pháirc imeartha é sular chríochnaigh a fhoireann an cluiche le bua 15 phointe chun tús ar deireadh.
Is mór an chailliúint é do sheaimpíní na hÉireann agus iad ag iarraidh a gcúigiú Corn Liam Mac Carthy as a chéile a bhuachan in 2024.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
