Is cosúil go bhfuil Raphael Varane agus Jonny Evans réidh le filleadh do chluiche Manchester United in aghaidh Chelsea inniu (Déardaoin).
Tabharfaidh na himreoirí dóchas do lucht leanúna United, agus an bainisteoir Erik ten Hag fós ag cuardach freagraí ar na fadhbanna gortaithe leanúnacha leis an gclub.
Bhí go leor fadhbanna ag United le linn an dara bliain dheacair le ten Hag i gceannas, leis an taobh ag streachailt sa Phríomh-Sraith (Premier League) agus cuireadh iad as an Eoraip roimh an Nollaig.
Beidh cath an-deacair rompu más mian leo cáiliú do Shraith na Seaimpíní (Champions League) na bliana seo chugainn – agus cáineadh go géar iad tar éis a gcluiche in aghaidh Brentford Dé Sathairn.
Le linn an chluiche sin bhí Victor Lindelof ar an imreoir is déanaí a fuair gortú matán (muscle).
Tá fadhb i dteannán a ioscaide (hamstring) ag an tSualainn idirnáisiúnta a tharla sa chluiche 1-1 agus táthar ag súil go gcuirfidh an gortú cosc air imirt ar feadh míosa ar a laghad.
Chomh maith leis sin ghortaigh a ionadaí Lisandro Martinez a colpa (calf) agus é ag traenáil.
Tá na fadhbanna sin ann chomh maith le fadhbanna na gcosantóirí eile Luke Shaw agus Tyrell Malacia.
Tá ten Hag dóchasach, áfach, go mbeidh Varane – a d’imigh as ag leath-am Dé Sathairn – agus Evans, a gortaíodh le déanaí, réidh le himirt i gcoinne Chelsea.
Dúirt an bainisteoir: ‘Ar an líne tosaigh agus i lár na páirce tá muid ceart go leor, tá roghanna againn ansin.
‘Ach sa chúllíne tá easpa roghanna againn, ach is maith an rud é go bhfuil Raphael Varane agus Jonny Evans ar ais ag traenáil. Agus bhí Harry Maguire ar ais ag traenáil cheana féin.’
Ardaíonn na fadhbanna le Lindelof agus Martinez tuilleadh ceisteanna faoi líon na ngortuithe matán atá United ag déileáil leis an téarma seo.
Nuair a fiafraíodh an bhfuil a fhios aige cén fáth a bhfuil an oiread sin fadhbanna acu, dúirt ten Hag: ‘Tá, tá smaoineamh againn ach oibreoimid air sin. Sílim go ndéileálfaimid go hinmheánach leis.’
Dhiúltaigh ten Hag an deis cur leis an ‘smaoineamh’ sin ach bhí sé níos dearfaí faoi na brúnna ar na foirne eile is fearr faoi láthair.
‘Ní féidir leat é a chosc,’ a dúirt sé.
‘Tá caighdeáin an Phríomh-Sraith (Premier League) ó thaobh déine chomh hard sin, agus tá an pheil idirnáisiúnta mar an gcéanna.
‘Is imreoirí idirnáisiúnta iad go léir inár scuad agus feiceann tú nach sinne amháin atá mar sin – tá na fadhbanna ag City, Liverpool agus Newcastle, mar sin tá go leor foirne eile ann.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
