Glactar leis go bhfuil seisear marbh as an droichead i Baltimore – ach sábháladh go leor daoine

‘Is laochra iad na daoine seo – ní raibh siad in ann stop a chur leis an timpiste nuair a thit an droichead ach choinnigh siad an trácht uaidh

Faoin am ar thuig criú an Dali – an long a bhuail an droichead i Baltimore i Meiriceá – an rud a bhí ag tarlú bhí sé ró-dhéanach.

Mar sin féin, shábháil siad go leor daoine trí chomhartha Mayday a chur amach, a chuir stop le trácht ag dul ar an droichead.

Go tragóideach bhí seisear oibrithe, a bhí ar an droichead, fós ar iarraidh Dé Céadaoin agus ceaptar go bhfuil siad marbh tar éis don droichead titim i gCuan Baltimore Dé Máirt.

Chaill an long cumhacht ollmhór agus bhuail sí an struchtúr, a dhún ceann de na calafoirt is gnóthaí ar oirthear na Stát Aontaithe.

Bhí an Dali, long coimeádán ollmhór 289m, ag tús turais 27 lá, ó chalafort Baltimore go Srí Lanca.

Chaill sé cumhacht tar éis dó an calafort a fhágáil agus bhí sé ag taisteal i dtreo Dhroichead Francis Scott Key.

Meán na hoíche a bhí ann agus bhí an criú ar bord sa dorchadas nuair a chuaigh soilse na loinge amach go tobann.

Ní raibh aon leictreonaic agus aon chumhacht innill acu. Ní raibh aon chumhacht acu chun stop a chur lena raibh ag tarlú.

Bhuail an long isteach i bpilón tacaíochta de Dhroichead Francis Scott Key thar bhéal Abhainn Patapsco ag thart ar 1.30rn. (5:30am am na hÉireann).

Rinne foirne tumadóireachta iarracht na hoibrithe, a thit isteach san uisce, a tharrtháil ach bhí an t-uisce contúirteach agus dorcha faoin oíche Dé Máirt, agus mar sin cuireadh an oibríocht tarrthála ar fionraí thart ar 18 uair an chloig tar éis na timpiste.

Dúirt Aimiréil Shannon Gilreath as an Garda Cósta nach raibh aon dóchas ann go bhfaighidh siad na hoibrithe atá ar iarraidh beo mar gheall ar an uisce fuar agus an fad ama a bhí siad ann.

Mar sin féin, chuir an long Mayday amach, rud a chuir ar chumas na n-oifigeach trácht ar an droichead a stopadh roimh an titim.

‘Trí bheith in ann gluaisteáin a stopadh ó theacht thar an droichead, is laochra iad na daoine seo. Shábháil siad beatha,’ a dúirt Gobharnóir Maryland Wes Moore.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil